'రాష్ట్రాన్ని చంద్రబాబు తప్ప ఎవరూ కాపాడలేరు'.. సీఎం జగన్‌పై కడప వైసీపీ నేత ఆరోపణలు
ఈ వార్తాకథనం ఏంటి
ఏపీ సీఎం జగన్‌పై సంచనల ఆరోపణలు చేశారు కడప జిల్లాకు చెందిన వైసీపీ సీనియర్ నేత డీఎల్ రవీంద్రారెడ్డి. పీకల్లోతు నష్టాల్లో ఉన్న బైజూస్‌తో ఏపీ ప్రభుత్వం ఒప్పందం చేసుకోవడాన్ని ఆయన తప్పుపట్టారు. అంతేకాకుండా అందులో అవినీతి కోణం ఉందనే అనుమానాన్ని వ్యక్తం చేశారు. బైజూస్ తో ఒప్పందం విషయంలో జగన్ అవినీతికి పాల్పడ్డారని, ఫలితంగా రూ. 1400 కోట్లు వృథా అవుతోందని సంచలన ఆరోపణపు చేశారు.
తన స్నేహితుడి కుమారుడు అవినితి పాల్పడుతారని, తాను ఊహించలేదన్నారు మాజీ మంత్రి డీఎల్ రవీంద్రారెడ్డి. మిగతా రాష్ట్రాలు బైజూస్‌ను వ్యతిరేకిస్తే.. ఏపీ ఒక్కటే ఒప్పందం చేసుకుందని దుయ్యబట్టారు. ఈ ఒప్పందం కోసం కడప జిల్లాకు చెందిన వ్యక్తులు చక్రం తిప్పారని డీఎల్ ఆరోపించారు.
జగన్
'వైసీపీకి సింగిల్ డిజిట్ కూడా రాదు'
ఆంధ్రప్రదేశ్‌లోని రాజకీయాల పరిస్థితి దారుణంగా ఉందన్నారు మాజీ మంత్రి డీఎల్ రవీంద్రారెడ్డి. తాను ఇంకా వైసీపీలో ఉన్నట్లు స్పష్టం చేశారు. 2024 ఎన్నికల్లో వైసీపీకి సింగిల్ డిజిట్ కూడా రావడం కష్టమే అన్నారు డీఎల్. ఇప్పుడున్న పరిస్థితుల్లో రాష్ట్రాన్ని ఏ దేవుడు కూడా కాపాడలేడని పేర్కొన్నారు. రాష్ట్రాన్ని బాగు చేయడం ఒక్క చంద్రబాబు వల్లే సాధ్యమవుతుందని చెప్పారు.
జనసేన అధినేత పవన్ కల్యాణ్ నిజయితీని ప్రశ్నించలేమన్నారు. వచ్చే ఎన్నికల్లో రాష్ట్రాన్ని కాపాడటం కోసం చంద్రబాబు- పవన్ కలిసి పోటీ చేయాలని విజ్ఞప్తి చేశారు. తద్వారా దిగిజారిపోయిన ఆంధ్రప్రదేశ్ ప్రతిష్ఠను పునరుద్ధరిస్తారని పేర్కొన్నారు. తాను వైసీపీలో ఉన్నందున అసహ్యంగా ఉందన్నారు. అయితే దివంగత నేత వైఎస్ రాజశేఖర్ రెడ్డికి డీఎల్ రవీంద్రారెడ్డి మంచి మిత్రుడు.