#KCR health update: కేసీఆర్ హెల్త్ బులెటిన్ విడుదల.. యశోదా ఆస్పత్రి వైద్యులు ఏమన్నారంటే
తెలంగాణ మాజీ సీఎం కేసీఆర్ హెల్త్ బులెటిన్ విడుదలైంది. ఈ మేరకు యశోదా ఆస్పత్రి వైద్యులు ఆయన ఆరోగ్య పరిస్థితిపై నివేదిక రిలీజ్ చేశారు. ఎర్రవల్లి నివాసంలోని బాత్రూమ్'లో కేసీఆర్ స్లిప్ అయ్యారని, దీంతో సోమాజిగూడలోని యశోద ఆస్పత్రికి తరలించారని ఆస్పత్రి మెడికల్ సూపరింటెండెంట్ వెల్లడించారు. ఈ క్రమంలోనే ఆయనకు సీటీ స్కాన్'తో పాటు పలు వైద్య పరీక్షలను నిర్వహించగా, ఎడమ తుంటికి ఫ్రాక్చర్ గుర్తించామన్నారు. దీంతో ఎడమ తుంటిని రీప్లేస్ చేయాల్సి ఉందని పేర్కొన్నారు. ఫలితంగా కోలుకునేందుకు 6 నుంచి 8 వారాల సమయం పడుతుందన్నారు. ఆర్థోపిడిక్, అనస్తీషియా, జనరల్ మెడిసిన్, పెయిన్ మెడిసిన్ విభాగాలకు చెందిన బృందం ఆయన్ను పర్యవేక్షిస్తోందని, ప్రస్తుతానికి ఆరోగ్యం నిలకడగానే ఉందన్నారు.
