TGSP : తెలంగాణ పోలీస్ శాఖ కీలక నిర్ణయం.. 39 మంది టీజీఎస్పీ కానిస్టేబుళ్ల సస్పెన్షన్
ఈ వార్తాకథనం ఏంటి
తెలంగాణ స్పెషల్ పోలీస్ (టీజీఎస్పీ) కానిస్టేబుళ్ల ఆందోళనలు రాష్ట్రవ్యాప్తంగా చర్చనీయాంశంగా మారాయి.
బెటాలియన్ల పరిధిలో పని చేస్తున్న టీజీఎస్పీ కానిస్టేబుళ్లు డ్యూటీలో వెట్టి చాకిరి చేస్తున్నారనే ఆరోపణలతో నిరసనకు దిగిన విషయం తెలిసిందే.
తొలుత కుటుంబ సభ్యులు ఈ నిరసనల్లో పాల్గొనగా, ఇక కానిస్టేబుళ్లే స్వయంగా రోడ్లపైకి వచ్చి తమ సమస్యలను పరిష్కరించాలని నిరసనలు చేశారు.
ఈ పరిస్థితుల్లో ఒకే విధానం అమలు చేయాలని, వెట్టి చాకిరి నుంచి విముక్తి కల్పించాలని డిమాండ్ చేస్తున్నారు.
పోలీస్ శాఖ ఈ నిరసనలను సీరియస్‌గా తీసుకుంటూ, 39 మంది కానిస్టేబుళ్లను సస్పెండ్ చేస్తూ ఉత్తర్వులు జారీ చేసింది.
Details
కానిస్టేబుళ్ల ఆందోళనపై స్పందించిన డీజీపీ
నిరసనలకు ప్రేరేపించి క్రమశిక్షణ ఉల్లంఘించినందుకుగానూ ఈ చర్యలు తీసుకున్నట్లు పేర్కొంది.
సస్పెండ్ చేసినవారిలో వివిధ బెటాలియన్లకు చెందిన కానిస్టేబుళ్లు ఉన్నారు.
బెటాలియన్ కానిస్టేబుళ్ల ఆందోళనపై డీజీపీ జితేందర్ స్పందించారు. పోలీస్ వ్యవస్థ క్రమశిక్షణకు మారుపేరుగా ఉండాలని, ఈ విధమైన నిరసనలు చేయడం తగదని అన్నారు.
ప్రభుత్వం ఈ వివాదంపై స్పందించి, కానిస్టేబుళ్లపై విధించిన సస్పెన్షన్ ఎత్తివేసింది. అలాగే, వారికి పాత సెలవుల విధానాన్నే కొనసాగించడానికి హామీ ఇచ్చింది.