National Herald Case: నేషనల్ హెరాల్డ్ కేసులో కీలక మలుపు.. సోనియా-రాహుల్‌పై ఎఫ్ఐఆర్ నమోదు!
ఈ వార్తాకథనం ఏంటి
నేషనల్ హెరాల్డ్ కేసులో మరో కీలక మలుపు తిరిగింది. మనీలాండరింగ్ ఆరోపణలతో కొనసాగుతున్న ఈ కేసులో కాంగ్రెస్ అగ్ర నాయకులు సోనియా గాంధీ, రాహుల్ గాంధీలపై ఉచ్చు మరింత బిగుస్తోంది. ఎన్‌ఫోర్స్‌మెంట్ డైరెక్టరేట్ (ED) ఇచ్చిన ఫిర్యాదు ఆధారంగా ఢిల్లీ పోలీసుల ఆర్థిక నేరాల విభాగం (EOW) తాజాగా వీరిపై కొత్త ఎఫ్ఐఆర్‌ను నమోదు చేసింది. ఈ ఎఫ్ఐఆర్‌లో సోనియా, రాహుల్‌తో పాటు మరో ఆరుగురు పేర్లు చేర్చబడ్డాయి. నేరపూరిత కుట్రలో భాగస్వాములయ్యారని పోలీసుల ఆరోపణల్లో పేర్కొన్నారు.
Details
పోలీసుల ప్రత్యేక దృష్టి
ఈ కేసులో కోల్‌కతా కేంద్రంగా పనిచేస్తున్న షెల్ కంపెనీ 'డోటెక్స్ మర్చండైజ్' పేరు కూడా ఎఫ్ఐఆర్‌లో చేరింది. డోటెక్స్ ద్వారా జరిగిన ఆర్థిక లావాదేవీలపై, అలాగే అసోసియేటెడ్ జర్నల్స్ లిమిటెడ్ (AJL) స్వాధీనం ప్రక్రియలో చోటుచేసుకున్న అనుమానాస్పద అక్రమాలపై పోలీసులు దృష్టి సారిస్తున్నారు. తాజా ఎఫ్ఐఆర్ నమోదుతో, ఇక విచారణలో తదుపరి ఏ చర్యలు తీసుకోబోతున్నారన్న దానిపై ఆసక్తి పెరిగింది.