Konda Surekha: క్యా సీన్ హై.. బీఆర్ఎస్ ఆఫీస్‌కు వెళ్లి కాంగ్రెస్‌కు ఓటు వేయాలని కోరిన కొండా సురేఖ
ఈ వార్తాకథనం ఏంటి
తెలంగాణ అసెంబ్లీ ఎన్నికలు దగ్గరపడుతుండటంతో ప్రధాన రాజకీయ పార్టీలు, అభ్యర్థులు తమ ప్రచారాన్ని ముమ్మరం చేశారు.
ఇంటింటికి తిరుగుతూ తమకే ఓటేయాలని ప్రజలను అభ్యర్థిస్తున్నారు. ఈ క్రమంలో వరంగల్ తూర్పు నియోజవర్గంలో ఓ అసక్తికర సన్నివేశం జరిగింది.
అక్కడ నుంచి అసెంబ్లీ బరిలో ఉన్న కాంగ్రెస్ అభ్యర్థి కొండా సురేఖ(Konda Surekha) వినూత్నంగా ప్రచారం చేశారు.
ఏకంగా బీఆర్ఎస్ ప్రాంతీయ కార్యాలయంలోకి వెళ్లి కాంగ్రెస్ పార్టీకి ఓటు వేయాలని కోరారు.
ఇక కొండా సురేఖ తీరుతో బీఆర్ఎస్ నేతలు నివ్వెరపోయారు.
Details
వీడియోను షేర్ చేసిన కాంగ్రెస్ పార్టీ
ఈ ఘటనకు సంబంధించిన వీడియోను కాంగ్రెస్ పార్టీ ట్వీట్ చేసింది.
ర్యాగింగ్ లెవల్ వంద శాతం అంటూ కామెంట్ చేసింది. పార్టీ ట్విట్టర్ హ్యాండిల్‌లో పోస్ట్ చేసిన ఈ వీడియో తెగ వైరల్ అయింది.
కాంగ్రెస్ పార్టీ చేతి గుర్తుకు ఓటేసి తనను గెలిపించాలని బీఆర్ఎస్ నేతలను ఆమె అభ్యర్థించింది.
ఇక బీఆర్ఎస్ కార్యాలయం నుంచి కొండా సురేఖ బయటికొస్తున్న వీడియో సోషల్ మీడియాలో వైరల్‌గా మారింది.
ట్విట్టర్ పోస్ట్ చేయండి
బీఆర్ఎస్ ఆఫీసులోకి కొండా సురేఖ
Konda Surekha went BRS party office for asking vote for congress as a part of campaign pic.twitter.com/7B0p0RtDb8
— MOHD ABID ALI (@mdabid181) November 21, 2023