నేడు, రేపు ఉత్తర తెలంగాణ జిల్లాలో భారీ వర్షాలు: ఐఎండీ
ఈ వార్తాకథనం ఏంటి
తెలంగాణలో ప్రవేశించిన నైరుతి రుతుపవనాలు రానున్న 24 గంటల్లో రాష్ట్రవ్యాప్తంగా విస్తరిస్తాయని ఐఎండీ- హైదరాబాద్ అంచనా వేసింది.
నైరుతి రుతుపవనాల రాకతో తెలంగాణలో వర్షాలు కురిసే అవకాశం ఉందని ఉందని పేర్కొంది.
ముఖ్యంగా ఉత్తర తెలంగాణ జిల్లాల్లో భారీ నుంచి అతి భారీ వర్షాలు కురిసే అవకాశం ఉందని చెప్పింది.
ములుగు, భద్రాద్రి-కొత్తగూడెం, ఖమ్మం, నల్గొండ, సూర్యాపేట, జయశంకర్ భూపాలపల్లి, అసిఫాబాద్, ఆదిలాబాద్, పెద్దపల్లి కరీంనగర్, నిర్మల్, మంచిర్యాల జిల్లలాల్లో భారీ వర్షాలు కురుస్తాయని ఐఎండీ పేర్కొంది.
హైదరాబాద్‌లో తేలికపాటి నుంచి మోస్తరు వర్షాలు కురిసే అవకాశం ఉందని, గంటకు 6నుంచి 10కి.మీ వేగంతో గాలులు వీచే అవకాశం ఉందని వెల్లడించింది.
తెలంగాణ
ఆ జిల్లాల్లో ఆరెంజ్ అలర్ట్ జారీ
ఈ ఏడాది నైరుతి రుతుపవనాల రాక ఆలస్యమైందని ఐఎండీ సీనియర్ అధికారి ఒకరు తెలిపారు.
రుతుపవనాలు ఏటా జూన్ 8-10 నాటికి తెలంగాణలోకి ప్రవేశిస్తాయని, ఒకటి రెండు రోజుల్లో రాష్ట్రమంతటా విస్తరిస్తాయని ఆయన చెప్పారు.
ఈ ఏడాది మాత్రం 12 రోజులు ఆలస్యమైంది. బంగాళాఖాతంలో ఏర్పడిన కొత్త అల్పపీడనం కారణంగా కొన్ని జిల్లాల్లో భారీ వర్షాలు కురుస్తాయని హెచ్చరించారు.
జూన్ 25, 26 తేదీల్లో ఆసిఫాబాద్, ఆదిలాబాద్, నిర్మల్, జగిత్యాల, మంచిర్యాల, కరీంనగర్, పెద్దపల్లి జిల్లాలకు వాతావరణ శాఖ ఆరెంజ్ అలర్ట్ ప్రకటించింది.