యూపీ: వివాహితను గర్భవతిని చేశాడు.. పెళ్లి చేసుకోమంటే ప్రాణం తీశాడు
ఈ వార్తాకథనం ఏంటి
ఉత్తర్‌ప్రదేశ్ లో దారుణం జరిగింది. ఓ వివాహితతో అక్రమ సంబంధం పెట్టుకున్న ఓ యువకుడు, ఆమెను గర్భవతిని చేశాడు.
అంతటితో ఆగకుండా ఆమెను ఘోరంగా హత్య చేశాడు. ఈ ఘటన యూపీలోని మీరట్ జిల్లాలో చోటు చేసుకుంది.
రాంబిరి అనే మహిళ 2015లో వినోద్ అనే వ్యక్తిని పెళ్లి చేసుకుంది. అనంతరం రాంబిరి తన భర్తను వదిలి పుట్టింట్లోనే తండ్రి సంరక్షణలో నివసిస్తోంది.
ఈ క్రమంలోనే ఆదేశ్ అనే యువకుడితో రాంబిరి వివాహేతర సంబంధం ఏర్పచుకుంది. ఆదేశ్ కారణంగా ఆమె గర్భం దాల్చింది.
దీంతో తనను పెళ్లి చేసుకోవాలని సదరు మహిళ ఆదేశ్ పై ఒత్తిడి తెచ్చింది. దీంతో ఎలాగైనా రాంబిరి అడ్డు తొలగించుకోవాలని భావించి, స్నేహితులతో కలిసి పథకం రచించాడు.
details
మాట్లాడుకుందామని చెప్పి ప్రాణాలు తీసిన ప్రియుడు
ఈ క్రమంలోనే ప్రియుడు ఆదేశ్, రాంబిరిని తన ఇంటికి రావాలని కోరాడు.పెళ్లి విషయమై మాట్లాడుకుందామని చెప్పడంతో ప్రియుడి ఇంటికి వెళ్లింది.
అప్పటికే అక్కడ కాపు కాస్తున్న ఈ ముఠా, ఆమె రాగానే ఇటుకలతో దాడి చేసి చంపారు. అనంతరం మృతదేహాన్ని దగ్గర్లోని పొలంలో పడేశారు.
విషయం తెలుసుకున్న బాధిత కుటుంబ సభ్యులు స్థానిక పోలీస్ స్టేషన్ లో ఫిర్యాదు చేశారు.
దీంతో విచారణ చేపట్టిన పోలీసులు ఆదేశ్ సహా నిందితులందరినీ అరెస్ట్ చేశారు. ఈ మేరకు జులై 2న హత్య చేశారని, తర్వాతి రోజు మృతదేహం పొలంలో లభ్యమైందని నిర్థారించారు.
ఈ కేసులో దీపక్, ఆర్యన్, సందీప్, రోహిత్‌లను పోలీసులు అదుపులోకి తీసుకున్నారు. కేసు నమోదు చేసుకుని దర్యాప్తు చేస్తున్నట్లు పోలీసులు వెల్లడించారు.