Modi Millet song: 'గ్రామీ' అవార్డు నామినేషన్స్‌కు ప్రధాని మోదీ మిల్లెట్ సాంగ్ ఎంపిక
ఈ వార్తాకథనం ఏంటి
ప్రధానమంత్రి నరేంద్ర మోదీ ప్రసంగంతో సాగే 'అబండెన్స్ ఇన్ మిల్లెట్స్' అనే పాట 'బెస్ట్ గ్లోబల్ మ్యూజిక్ పెర్ఫార్మెన్స్' కింద గ్రామీ అవార్డుకు ఎంపికైంది.
ప్రముఖ సింగర్ ఫాలు, గౌరవ్ షా ఈ పాట పాడారు. ఈ ఏడాది మార్చిలో గ్లోబల్ మిల్లెట్స్(శ్రీ అన్న) కాన్ఫరెన్స్‌ను ప్రారంభించిన సందర్భంగా మోదీ చేసిన ప్రసంగంలోని కొన్ని మాటలను ఈ పాటలో పొందుపర్చారు.
దిల్లీలో జరిగిన కార్యక్రమంలో ప్రధాని మోదీ మాట్లాడుతూ.. 'ఈ రోజు ప్రపంచం అంతర్జాతీయ మిల్లెట్ సంవత్సరాన్ని జరుపుకుంటోంది. భారత్ ఈ ప్రచారానికి నాయకత్వం వహిస్తున్నందుకు నేను సంతోషిస్తున్నాను. రైతులు, ప్రజల కృషితోనే ఇది సాధ్యమైంది' అంటూ మార్చిలో జరిగిన గ్లోబల్ మిల్లెట్స్ కాన్ఫరెన్స్‌లో మోదీ పేర్కొన్నారు. ఈ మాటలే పాటలో ఉన్నాయి.
మోదీ
ప్రధాని మోదీ రచనా సహకారం
అబండెన్స్ ఇన్ మిల్లెట్స్ పాట జూన్ 16న విడుదలైంది. ఈ పాట విడుదలకు ముందు ఫాలు మాట్లాడారు. ఈ పాటను తాను తన బర్తతో కలిసి ప్రధాని మోదీ రాసినట్లు పేర్కొన్నారు.
అంతర్జాతీయ మిల్లెట్స్ సంవత్సరాన్ని పురస్కరించుకుని ఈ పాటను సిద్ధం చేశామని, ఇందులో ప్రధాని మోదీ కూడా కనిపిస్తారని ఫాలు వివరించారు.
ఫాలుకి 2022లో గ్రామీ అవార్డు లభించింది. ఆమె కలర్‌ఫుల్ వరల్డ్ కోసం బెస్ట్ చిల్డ్రన్స్ ఆల్బమ్ విభాగంలో ఈ అవార్డును అందుకుంది.
అవార్డు గెలుచుకున్న తర్వాత ఫాలు దిల్లీలో ప్రధాని మోదీని కలిశారు. ఆ సమయంలో మిల్లెట్ గింజలపై ఒక పాటను కంపోజ్ చేయాలనే ఆలోచనను ప్రధాని మోదీతో ఫాలు పంచుకున్నారు