'నాతో సెక్స్ చెయ్.. లేకపోతే ఉద్యోగం నుంచి తీసేస్తా'.. కొన్నేళ్లుగా మహిళపై మేనేజర్ రేప్
ఈ వార్తాకథనం ఏంటి
ముంబై(Mumbai)లో మెక్సికన్ మహిళపై అత్యాచారం జరిగిన ఉదంతం వెలుగులోకి వచ్చింది.
మెక్సికో(Mexican)కు చెందిన 31 ఏళ్ల మహిళా డిస్క్ జాకీ (DJ)పై పలుమార్లు అత్యాచారం చేసిన వ్యక్తిని ముంబై పోలీసులు అరెస్ట్ చేశారు.
బాధితురాలు గతవారం నిందితుడిపై ఫిర్యాదు చేసింది. దీంతో 35 ఏళ్ల నిందితుడిని అరెస్టు చేసినట్లు బాంద్రా పోలీస్ స్టేషన్ అధికారి తెలిపారు.
అత్యాచారానికి పాల్పడిన వ్యక్తి డీజేగా పనిచేస్తున్నాడని, అతను తన మేనేజర్ అని బాధితురాలు ఫిర్యాదులో పేర్కొంది.
2019 నుంచి తనపై నిందితుడు పలుమార్లు అత్యాచారానికి పాల్పడ్డాడని ఆమె ఫిర్యాదులో వెల్లడించింది. ప్రస్తుతం బాధితురాలు ముంబైలో నివసిస్తోంది.
మెక్సికో
న్యూడ్ ఫోటోలను చూపించే బ్లాక్ మెయిల్
2017లో సోషల్ మీడియా ద్వారా నిందితుడిని బాధిత మహిళ కలిసింది. తొలిసారి, జులై 2019లో బాంద్రాలోని తన ఇంట్లో ఆమెపై లైంగిక వేధింపులకు పాల్పడ్డాడు.
ఈ సంఘటన తర్వాత నిందితుడు ఆమెపై చాలాసార్లు అత్యాచారం చేశాడు.
ఆమె సెక్స్‌కు సహకరించకపోతే ఉద్యోగ నుంచి తీసేస్తానని బెదిరించేవాడని, అంతేకాకుండా, అతని సెల్‌ఫోన్‌లో ఆమె న్యూడ్ ఫోటోలను చూపించే బ్లాక్ మెయిల్ చేసేవాడని పోలీసులు వెల్లడించారు.
అతనికి పెళ్లైన తర్వాత కూడా.. ఆమెను వేధిచడం మానుకోలేదని, దీంతో ఇక లాభం లేక బాధితురాలు పోలీసులను ఆశ్రయించింది.
మహిళ ఫిర్యాదు ఆధారంగా, పోలీసులు నిందితుడిపై కేసు నమోదు చేసి, దర్యాప్తు కొనసాగిస్తున్నట్లు పోలీసులు పేర్కొన్నారు.