ఒడిశా బీచ్‌లో అబ్బురపరిచే 'చంద్రయాన్-3' సైకత శిల్పం
చంద్రయాన్-3 మిషన్ బుధవారం సాయంత్రం చంద్రుని దక్షిణ ధ్రువంపై సాఫ్ట్ ల్యాండింగ్ అవడానికి సిద్ధంగా ఉంది. దేశం మొత్తం ఎంతో ఆసక్తితో ఈ మిషన్ కోసం ఎదురుచూస్తోంది. ఈ క్రమంలో ప్రముఖ సైకత శిల్పకారుడు సుదర్శన్ పట్నాయక్ బృందం అద్భుతమైన కళాకృతితో చంద్రయాన్ -3 మిషన్ శుభాకాంక్షలు తెలియజేసింది. చంద్రయాన్-3 భారత జెండాతో చంద్రుని దక్షిణ ధ్రువంపై విజయవంతంగా ల్యాండింగ్ అయినట్లు పట్నాయక్ తన సైకత శిల్పం ద్వారా చూపించారు. చంద్రయాన్-3 సాఫ్ట్ ల్యాండింగ్ కోసం కౌంట్‌డౌన్ ప్రారంభం కాగానే, ప్రపంచవ్యాప్తంగా భారతీయులు మతాలకతీతంగా పూజల చేయడం ప్రారంభించారు.
