PM Modi: ప్రపంచంలోనే అతిపెద్ద ధాన్యం నిల్వ ప్రాజెక్టును ప్రారంభించిన ప్రధాని మోదీ
ఈ వార్తాకథనం ఏంటి
సహకార రంగంలో ప్రపంచంలోనే అతిపెద్ద ధాన్యం నిల్వ పథకం పైలట్ ప్రాజెక్టును ప్రధాని నరేంద్ర మోదీ శనివారం ప్రారంభించారు.
దిల్లీలోని భారత్ మండపంలో ఏర్పాటు చేసిన కార్యక్రమంలో ప్రధాని మోదీ లాంచ్ చేశారు.
ఈ పథకం కింద రానున్న ఐదేళ్లలో రూ.1.25 లక్షల కోట్లతో వేల గోదాములను నిర్మించి 700 లక్షల టన్నుల ధాన్యం నిల్వ సామర్థ్యాన్ని సృష్టిస్తామని మోదీ చెప్పారు.
ఈ సందర్భంగా ప్రాథమిక వ్యవసాయ పరపతి సంఘాల (పీఏసీఎస్) ఆధ్వర్యంలో నిర్వహిస్తున్న 11 గోదాములను ఆయన ప్రారంభించారు.
అలాగే, దేశవ్యాప్తంగా 500 పీఏసీఎస్ గోదాములు, ఇతర వ్యవసాయ మౌలిక సదుపాయాల నిర్మాణానికి ప్రధాని మోదీ శంకుస్థాపన చేశారు.
మోదీ
18,000 పీఏసీఎస్‌ల కంప్యూటరీకరణ: మోదీ
తమ ప్రభుత్వం సుభిక్ష సంకల్పం తీసుకున్నట్లు, నేడు ఆ కలను చేసుకునే దిశగా ముందుకు సాగుతున్నామని మోదీ అన్నారు.
ఈ ప్రాజెక్టులో భాగాంగా దేశంలోని ప్రతి మూలన వేల సంఖ్యలో గోదాములు నిర్మిస్తామని, వీటి వల్ల భవిష్యత్తులో రైతులకు మరింత మేలు జరుగుతుందన్నారు.
దేశవ్యాప్తంగా 18,000 పీఏసీఎస్‌ల కంప్యూటరీకరణ ప్రాజెక్టును ప్రారంభించిన మోదీ, మల్టీ-స్టేట్ కోఆపరేటివ్ సొసైటీస్ చట్టాన్ని సవరించడం ద్వారా కేంద్ర ప్రభుత్వం పీఏసీఎస్‌లను కంప్యూటరీకరిస్తున్నదన్నారు.
10,000 రైతు ఉత్పత్తిదారుల సంస్థలను (ఎఫ్‌పీవో) ఏర్పాటు చేయాలని ప్రభుత్వం లక్ష్యంగా పెట్టుకుందని, తద్వారా చిన్న రైతులను పారిశ్రామికవేత్తలుగా తీర్చిదిద్దుతామన్నారు.