Modi 3.0: ప్రధాని మోదీ ప్రమాణ స్వీకారోత్సవం.. ప్రత్యేక అతిథులు..ఎవరంటే?
రాష్ట్రపతి భవన్‌లో ఆదివారం(జూన్ 9) భారతదేశ ప్రధానిగా మూడోసారి నరేంద్ర మోదీ ప్రమాణ స్వీకారం చేయనున్నారు. పారిశుద్ధ్య కార్మికులు,ట్రాన్స్‌జెండర్లు, సెంట్రల్ విస్టా ప్రాజెక్ట్‌లో సహాయం చేసిన కార్మికులు వంటి ప్రత్యేక ఆహ్వానితులతో సహా 8,000 మందికి పైగా ప్రజలు వేడుకకు హాజరవుతారని భావిస్తున్నారు. వందేభారత్, మెట్రో రైళ్లలో పనిచేసిన రైల్వే ఉద్యోగులను కూడా "విక్షిత్ భారత్ అంబాసిడర్లుగా" ఆహ్వానించారు.
ప్రధాని మోదీ ప్రమాణ స్వీకారోత్సవానికి వైవిధ్యమైన అతిధుల జాబితా
గత సంవత్సరం ఉత్తరాఖండ్‌లోని ఉత్తరకాశీలో సిల్క్యారా సొరంగం ఒక విభాగం కూలిపోవడంతో చిక్కుకున్న 41 మంది నిర్మాణ కార్మికులను రక్షించడంలో సహాయం చేసిన రాట్ హోల్ మైనర్‌లను కూడా వేడుకకు ఆహ్వానించారు. సినీ, క్రీడా రంగాలకు చెందిన వ్యక్తులు, ప్రముఖ పారిశ్రామికవేత్తలు, వ్యాపారవేత్తలు కూడా హాజరుకానున్నారు. కూటమి వర్గాలు న్యూస్ 18తో మాట్లాడుతూ.. ''ప్రధానమంత్రి మోదీ అధికారంలోకి వచ్చినప్పటి నుంచి భారతదేశ రాజకీయాల్లో చాలా మార్పులు చోటుచేసుకొన్నాయి. బలమైన దేశ నిర్మాణంలో పాలుపంచుకున్న ప్రతిఒక్కరి సహకారాన్ని ఆయన గౌరవిస్తారు. వీఐపీలు, వీవీఐపీలకు మాత్రమే ఆహ్వానాలు పంపే రోజులు పోయాయి. మా ప్రధాని అట్టడుగు వర్గాల్లో వారిని కూడా వీఐపీలుగానే చూస్తారు'' అని తెలిపాయి.
మోదీ ప్రమాణ స్వీకారోత్సవానికి అంతర్జాతీయ నేతలు
నేపాల్ ప్రధాని పుష్ప కమల్ దహల్ 'ప్రచండ,' భూటాన్ కౌంటర్ షెరింగ్ టోబ్‌గే, మారిషస్ ప్రధాని ప్రవింద్ జుగ్నాథ్‌లకు ఆహ్వానం అందింది. బంగ్లాదేశ్ ప్రధాని షేక్ హసీనా, శ్రీలంక అధ్యక్షుడు రణిల్ విక్రమసింఘే తమ హాజరును ఇప్పటికే ధృవీకరించారు. గత వేడుకల్లో, సార్క్ దేశాలకు చెందిన నాయకులు 2014లో హాజరు కాగా, 2019లో బిమ్స్‌టెక్ దేశాధినేతలు హాజరయ్యారు.
అంతర్జాతీయ అతిథుల కోసం వేడుక తేదీ సర్దుబాటు
ప్రమాణస్వీకార కార్యక్రమం మొదట జూన్ 8న జరగాల్సిఉండగా అంతర్జాతీయ అతిథుల షెడ్యూల్‌కు అనుగుణంగా జూన్ 9కి రీషెడ్యూల్ చేయబడింది. ఇటీవల జరిగిన లోక్‌సభ ఎన్నికలలో, స్వతంత్ర ప్రభుత్వాన్ని ఏర్పాటు చేయడానికి అవసరమైన 272 సీట్ల కంటే తక్కువ పడిపోవడంతో బిజెపి కేవలం 240 సీట్లను గెలుచుకోగలిగింది. అయితే, చంద్రబాబు నాయుడు, నితీష్ కుమార్ వంటి మిత్రపక్షాల మద్దతుతో, బిజెపి నేతృత్వంలోని నేషనల్ డెమోక్రటిక్ అలయన్స్ (NDA) ఇప్పటికీ మెజారిటీని కొనసాగించింది.
