Jammu and Kashmir: జమ్ముకశ్మీర్‌లో మరో భారీ ఉగ్రదాడికి కుట్ర.. జైళ్లను లక్ష్యంగా చేసుకున్న ముష్కరులు..!
ఈ వార్తాకథనం ఏంటి
జమ్ముకశ్మీర్‌లో ఉన్న హైప్రొఫైల్ ఉగ్రనాయకులను విడుదల చేయడాన్ని కేంద్రీకరించి భారీ కుట్ర పన్నినట్లు ఇంటెలిజెన్స్ వర్గాలు గుర్తించాయి. ఈ పరిణామంలో శ్రీనగర్ సెంట్రల్ జైల్, కోట్ బాల్వాల్ జైల్, జమ్మూ నగరంలోని ఇతర జైళ్లలో భద్రతను మరింత కట్టుదిట్టం చేశారు. ఇప్పటికే పహల్గాములో ఉగ్రవాదులపై జరిగిన దాడి దర్యాప్తులో భాగంగా చాలా మంది స్లీపర్ సెల్ సభ్యులు, ఓవర్ గ్రౌండ్ వర్కర్లను తీసుకొచ్చి ఈ జైళ్లలో ఉంచారు. వీరు, ఆర్మీ వాహనంపై దాడి కేసులో నిందితులైన నిస్సార్‌, ముష్తాక్‌ సహచరులతో పాటు, జాతీయ దర్యాప్తు సంస్థ వారు విచారిస్తున్నారు. ఈ నేపథ్యం లో జైళ్లపై దాడులు జరగొచ్చని నిఘా వర్గాలు సమాచారం అందించాయి.
వివరాలు
ఉగ్రవాద స్థావరాన్ని గుర్తించిన భద్రతా దళాలు
దీంతో ఆయా జైళ్ల వద్ద భారీ భద్రతా ఏర్పాట్లు చేపట్టారు. ఇప్పటికే సెంట్రల్ ఇండస్ట్రియల్ సెక్యూరిటీ ఫోర్స్ (CISF) డీజీ శ్రీనగర్‌లో ఉన్నతాధికారులతో సమావేశమై ఈ అంశంపై చర్చలు జరిపినట్లు తెలుస్తోంది. 2023 నుండి జమ్మూ కశ్మీర్‌లో జైళ్ల భద్రతా వ్యవస్థ ఈ దళం పర్యవేక్షణలోనే ఉంది. జమ్మూ కశ్మీర్‌లోని పూంచ్ జిల్లాలో సోమవారం భద్రతా దళాలు ఒక ఉగ్రవాద స్థావరాన్ని గుర్తించాయి. ఈ స్థావరంలో కమ్యూనికేషన్ పరికరాలు, ఐదు ఐఈడీలు (Improvised Explosive Devices) స్వాధీనం చేసుకున్నారు. ఈ ఉగ్రస్థావరం సురాన్ కోట్ ప్రాంతానికి సమీపంలోనే ఉన్నట్లు గుర్తించబడింది.