NEET ROW: నీట్ పేపర్ లీకేజీలో ప్రధాన సూత్రధారి రవి అత్రి అరెస్ట్
నేషనల్ ఎలిజిబిలిటీ కమ్ ఎంట్రన్స్ టెస్ట్ (నీట్)లో జరిగిన అవకతవకలపై విచారణకు సంబంధించి రవి అత్రి పేరు మరోమారు వెలుగులోకి వచ్చింది. ఇతగాడు గతంలో గతంలో ఉత్తరప్రదేశ్ పోలీస్ కానిస్టేబుల్ రిక్రూట్‌మెంట్ పరీక్ష పేపర్ లీక్‌లో ప్రధాన సూత్రధారి గా రవి అత్రి వున్నాడు. ఈ ఏడాది ఏప్రిల్‌లో మీరట్ నుండి ఉత్తరప్రదేశ్ స్పెషల్ టాస్క్ ఫోర్స్ (UPSTF) అరెస్టు చేసిన అత్రి, రాజీవ్ నయన్ మిశ్రాతో కలిసి UP పోలీస్ కానిస్టేబుల్ పరీక్ష పేపర్‌ను లీక్ చేయడానికి పన్నాంగం వేశాడు. వారి ఆపరేషన్ లీక్‌ను సులభతరం చేయడానికి మనేసర్‌లోని ఒక రిసార్ట్‌లో విద్యార్థులను సమీకరించింది.
గతంలో పరీక్ష పేపర్‌ను లీక్ చేసినందుకు జైలు శిక్ష
2012లో ప్రీ-మెడికల్ టెస్ట్ పరీక్ష పేపర్ , 2015లో AIIMS పీజీ పరీక్ష పేపర్‌ను లీక్ చేసినందుకు జైలు శిక్ష అనుభవించిన చరిత్ర రవి అత్రికి ఉంది. ఇటీవల, UPSTF కానిస్టేబుల్ రిక్రూట్‌మెంట్ స్కామ్‌లో అత్రి , 18 మంది ఇతర నిందితులపై చార్జిషీట్ దాఖలు చేసింది. సంజీవ్ ముఖియా నేతృత్వంలోని పేపర్ లీక్ మాఫియాతో అత్రికి సంబంధం ఉన్నట్లు బీహార్ పోలీసుల ఆర్థిక నేరాల విభాగం (EOU) ఆధారాలు కనుగొన్నారు. ఆ తర్వాత నీట్ కుంభకోణంతో అత్రికి ఉన్న సంబంధం వెలుగులోకి వచ్చింది.EOU,కేంద్ర విద్యా మంత్రిత్వ శాఖ ఆదేశాల మేరకు,NEET-UG 2024 పేపర్ లీక్‌పై వివరణాత్మక నివేదికను సమర్పించడానికి సిద్ధంగా ఉంది. ఇందులో కాలిన ప్రశ్నపత్రం,OMR షీట్‌లు ఇతర నేరారోపణలు ఉన్నాయి.
అత్రి సంజీవ్,ముఖియా లీక్ చేసే వ్యాపారంలో భాగస్వాములు
అత్రి సంజీవ్,ముఖియా విడివిడిగా పనిచేస్తున్నప్పటికీ, పరీక్ష పత్రాలను లీక్ చేసే వ్యాపారంలో ఇద్దరూ నిమగ్నమై ఉన్నారు. ముఖ్యంగా ముఖియా కుమారుడు, డాక్టర్ శివ కుమార్, అత్రితో కలిసి చదువుకున్నాడు. నీట్ కేసులో,దాదాపు 25 మంది అభ్యర్థులకు పాట్నాలోని బాలుర హాస్టల్‌లో ముఖియా వసతి కల్పించాడని, పరీక్షకు ముందు రోజు వారికి లీక్ అయిన పరీక్షా సామగ్రిని అందించారని ఆరోపించారు. నీట్ పేపర్ లీక్‌లో అత్రి ప్రత్యక్ష ప్రమేయం నిర్ధారించకపోయినా,ముఖియా గ్యాంగ్‌తో అతనికి ఉన్న సంబంధం అనుమానాలకు తావిస్తోంది. మునుపటి అరెస్టుల కారణంగా అత్రి జైలులో ఉన్నాడు. అయితే ఈ అనుబంధాల కారణంగా కొనసాగుతున్న విచారణలో అతని పేరు బయటపడింది.
