ఎమ్మెల్యేల ఎర కేసు: అప్పటి వరకు విచారణకు రాలేనంటూ ఈడీకి రోహిత్ రెడ్డి మెయిల్
ఈ వార్తాకథనం ఏంటి
దేశవ్యాప్తంగా సంచలనం సృష్టించిన ఎమ్మెల్యేల ఎర కేసు కీలక మలుపులు తీరుగుతోంది. తాజాగా ఈ కేసులో తదుపరి విచారణకు రావట్లేదని ఈడీకి రోహిత్ రెడ్డి చెప్పారు. తాను ఎందుకు రావట్లేదో.. మెయిల్ ద్వారా స్పష్టంగా వివరించారు.
ఈ కేసును సీబీఐకి హైకోర్టు అప్పజెప్పడంపై రోహిత్ రెడ్డి అసంతృప్తిగా ఉన్నారు. ఈ క్రమంలోనే ఈడీ విచారణను సవాల్ చేస్తూ.. హైకోర్టులో రిట్ పిటిషన్ దాఖలు చేశారు రోహిత్ రెడ్డి.
ఈ విచారణ జరిగే వరకు తాను విచారణకు హాజరు కానని మెయిల్ ద్వారా ఈడీ అధికారులకు తెలిపారు. బుధవారం హైకోర్టులో రోహిత్ రెడ్డి పిటిషన్‌పై విచారణ జరగనుంది.
రోహిత్ రెడ్డి
సుప్రీంకోర్టుకు రోహిత్?
రోహిత్ రెడ్డిని ఈడీ ఇప్పటికే రెండు రోజులు విచారించింది. మంగళవారం మరోసారి విచారణకు హాజరు కావాల్సి ఉండగా.. చివరి నిమిషంలో తాను రావడం లేదని ఈడీ అధికారులకు మెయిల్ పంపారు.
రోహిత్ రెడ్డి విచారణకు హాజరు కాని నేపథ్యంలో ఎలాంటి చర్యలు తీసుకోవాలనే దానిపై ఈడీ అధికారులు ఆలోచిస్తున్నట్లు సమాచారం.
ఇదిలా ఉంటే.. ఎమ్మెల్యేల ఎర కేసును సీబీఐకి అప్పగించడాన్ని సవాల్ చేస్తూ.. హైకోర్టు డివిజన్ బెంచ్‌ను కానీ.. సుప్రీంకోర్టును కానీ రోహిత్ రెడ్డి ఆశ్రయించే అవకాశం ఉంది.