సీమా హైదర్ పొలిటికల్ ఎంట్రీ.. ఆ రాజకీయ పార్టీ బంఫర్ ఆఫర్!
ఈ వార్తాకథనం ఏంటి
పబ్జీ గేమ్‌తో ప్రేమలో పడిన పాక్ మహిళ సీమా గులాం హైదర్ భారత్ కు అక్రమంగా వచ్చిన విషయం తెలిసిందే. ప్రస్తుతం ఆమెకు వరుస ఆఫర్లు వస్తున్నాయి.
ఇప్పటికే ఓ సినిమాలో 'రా' ఆఫీసర్‌గా నటించడానికి ఆమెకు ఆఫర్ కూడా చేశారు.
తాజాగా ఓ రాజకీయ పార్టీ సీమాకు 2024 ఎన్నికల్లో పోటీ చేసేందుకు టికెట్ ఇస్తామని వెల్లడించింది.
భద్రతా సంస్థలు సీమా హైదర్ కు క్లీన్ చిట్ ఇస్తే ఆమె ఎంపీ టికెట్ ఇస్తామని రిపబ్లికన్ పార్టీ ఆఫ్ ఇండియా(అఠావలె) ఆఫర్ చేసింది. ఈ ఆఫర్ ను సీమ్ అంగీకరించినట్లు సమాచారం.
ఈ మేరకు రిపబ్లికన్ పార్టీ ఉపాధ్యక్షుడు ముఖన్ కిషోర్ ఓ వీడియోను విడుదల చేశారు.
Details
సీమాకు అధికార ప్రతినిధి పదవి ఇచ్చేందుకు సిద్ధం
సీమా అద్భుతమైన వక్త అని, ఆమెకు తమ పార్టీలో అధికార ప్రతినిధి పదవి కూడా ఇచ్చే ఛాన్స్ ఉందని కిషోర్ పేర్కొన్నారు.
సీమ కేసును పోలీసులు, కేంద్ర సంస్థలు దర్యాప్తు చేస్తున్నాయని, ఇప్పటివరకూ ఆమెకు వ్యతిరేకంగా ఎలాంటి ఆధారాలు లభించలేదని, ఆమెను తమ పార్టీలో చేర్చుకోవాలని అనుకుంటున్నామని కిషోర్ తెలిపారు.
పాకిస్థాన్ కు చెందిన సీమా, పబ్జీ గేమ్ ఆడుతున్నప్పుడు గ్రేటర్ నోయిడాలోని రబూపురా నివాసి సచిన్ మీనాతో పరిచయం ఏర్పడింది.
అనంతరం ఆమె నేపాల్ నుంచి అక్రమంగా భారత్ లోకి ప్రవేశించి గ్రేటర్ నోయిడాలోని రబుపురాకు చేరుకుంది. తమ పరిచయం ప్రేమగా మారడంతో, సచిన్ తో కలిసి జీవించడానికి భారత్ కు వచ్చానని అప్పట్లో సీమా పేర్కొంది.