కేంద్ర ప్రభుత్వం సంచలన నిర్ణయం.. వర్షాకాల సమావేశంలోనే యూసీసీ బిల్లు
ఈ వార్తాకథనం ఏంటి
ఉమ్మడి పౌరస్మృతి బిల్లుపై మోడీ సర్కారు సంచలన నిర్ణయం తీసుకున్నట్లు సమాచారం. పార్లమెంట్ సమావేశాల్లో యునిఫాం సివిల్ కోడ్‌ను ప్రవేశపెట్టనున్నట్లు ఉన్నతస్థాయి వర్గాలు తెలిపాయి.
వచ్చే నెలలోనే పార్లమెంట్ వర్షకాల సమావేశాలు ప్రారంభం కానున్నాయి. యూనిఫాం సివిల్ కోడ్‌పై ప్రజల అభిప్రాయాలను కోరుతూ లా కమిషన్ ఇటీవల నోటీస్ జారీ చేసిన విషయం తెలిసిందే.
యూనిఫాం సివిల్ కోడ్‌పై అభిప్రాయాలను తెలుసుకునేందుకు న్యాయకమిషన్, న్యాయ మంత్రిత్వ శాఖతో పార్లమెంటరీ స్టాండింగ్ కమిటీ జులై 3న సమావేశం కానుంది.
వర్షాకాల సమావేశాలు జులై మూడో వారంలో ప్రారంభం కానున్నాయి. సమావేశాలు పాత భవనంలోనే ప్రారంభం కానుండగా, మధ్యలోనే కొత్త భవనానికి మారుతాయి.
Details
ద్రవ్యోల్భణం, నిరుద్యోగం, మణిపూర్ సమస్యను దారి మళ్లించేందుకు కుట్ర
ఉమ్మడి పౌరస్మృతిని అమలు చేస్తామంటూ ప్రధాన మోదీ మంగళవారమే స్పష్టం చేశారు. ఈ సున్నితమైన అంశాలపై ముస్లిములు వ్యతిరేకత వ్యక్తం చేశారు.
సాక్ష్యాత్తూ సుప్రీంకోర్టు కూడా యూనిఫాం సివిల్ కోడ్ ను సమర్ధించింది. అయితే దేశంలో కొన్ని పార్టీలు దీన్ని వ్యతిరేకిస్తున్నాయి.
లోక్ సభ ఎన్నికలు దగ్గరపడుతున్న వేళ ఉమ్మడి పౌరస్మృతి అంశాన్ని తెరపైకి తీసుకురావడంతో కేంద్రంపై విపక్షాలు విమర్శలు చేస్తున్నాయి.
ద్రవ్యోల్బణం, నిరుద్యోగం, మణిపూర్‌లోని పరిస్థితుల వంటి వాస్తవ సమస్యల నుండి మళ్లించే వ్యూహంగా యూసీసీ సమస్యను ప్రధాని మోడీ ఉపయోగించారని ప్రతిపక్షాలు ఆరోపిస్తున్నాయి.