Sonia Gandhi: రాజ్యసభ ఎంపీగా ఏకగ్రీవంగా ఎన్నికైన సోనియా గాంధీ, జేపీ నడ్డా
కాంగ్రెస్ అగ్రనేత సోనియా గాంధీ రాజస్థాన్ నుంచి రాజ్యసభకు ఏకగ్రీవంగా ఎన్నికయ్యారు. మాజీ ప్రధాని మన్మోహన్ సింగ్ రాజ్యసభ పదవీకాలం పూర్తయిన తర్వాత ఏప్రిల్‌లో ఖాళీ అయ్యే స్థానం సోనియా గాంధీతో భర్తీ అవుతోంది. మన్మోహన్ సింగ్ మళ్లీ పోటీ చేసేందుకు విముఖత చూపడంతో ఆ స్థానంలో సోనియా గాంధీ పోటీ చేశారు. లోక్‌సభకు 6పర్యాయాలు పూర్తి చేసిన తర్వాత ఆమె పార్లమెంటు ఎగువ సభకు పోటీ చేయడం ఇదే తొలిసారి. సోనియా గాంధీ కాంగ్రెస్ అధ్యక్షురాలిగా బాధ్యతలు చేపట్టిన తర్వాత ఆమె 1999లో బళ్లారి నుంచి తొలిసారిగా ఎన్నికయ్యారు. 2004 నుంచి లోక్‌సభకు రాయ్‌బరేలీ నుంచి ప్రాతినిధ్యం వహిస్తున్న సోనియా గాంధీ ఐదుసార్లు అక్కడి నుంచి లోక్ సభకు ప్రాతినిధ్యం వహించారు.
గుజరాత్ నుంచి నడ్డా ఎన్నిక
సోనియా గాంధీ ఫిబ్రవరి 15న రాజస్థాన్ నుంచి రాజ్యసభ అభ్యర్థిగా నామినేషన్‌ దాఖలు చేసి, లోక్‌సభ ఎన్నికల్లో పోటీ చేయబోనని ప్రకటించారు. బీజేపీ అధ్యక్షుడు జేపీ నడ్డా కూడా గుజరాత్ నుంచి రాజ్యసభ ఎంపీగా ఏకగ్రీవంగా ఎన్నికయ్యారు. బీజేపీకి చెందిన చున్నిలాల్ గరాసియా, మదన్ రాథోడ్ రాష్ట్రం నుంచి ఎగువ సభకు ఏకగ్రీవంగా ఎన్నికయ్యారు. మధ్యప్రదేశ్ నుంచి బీజేపీ, కాంగ్రెస్ అభ్యర్థులు ఏకగ్రీవంగా ఎన్నికయ్యారు. ఇందులో బీజేపీకి చెందిన ఎల్.మురుగన్, ఉమేష్ నాథ్ మహరాజ్, మాయా నరోలియా, బన్షీలాల్ గుర్జార్ పేర్లు ఉన్నాయి. రాజస్థాన్‌లో 10 రాజ్యసభ స్థానాలు ఉన్నాయి. ఫలితాల తర్వాత ప్రస్తుతం కాంగ్రెస్‌కు ఆరుగురు, బీజేపీకి నలుగురు సభ్యులు ఉన్నారు.
