TMC MP Mohua Mitra: టీఎంసీ ఎంపీ మహువా మోయిత్రాపై కేసు నమోదు
ఈ వార్తాకథనం ఏంటి
TMC MP Mohua Mitra: గతేడాది క్యాష్ ఫర్ క్వారీ కుంభకోణంపై ఆరోపణలు ఎదుర్కొన్న టీఎంసీ ఎంపీ మహువా మోయిత్రా ఇప్పుడు మళ్లీ కొత్త కేసులో ఇరుక్కున్నారు.
మహువ మొయిత్రాపై తాజాగా మరో ఎఫ్ఐఆర్ నమోదైంది. దిల్లీ పోలీస్ స్పెషల్ సెల్ సైబర్ యూనిట్ ఎఫ్ఐఆర్ నమోదు చేసింది. బీఎన్ఎస్ సెక్షన్ 79 కింద ఆమెపై ఎఫ్ఐఆర్ నమోదు చేసినట్లు పోలీసులు తెలిపారు.
జాతీయ మహిళా కమిషన్ చీఫ్ రేఖా శర్మపై మొయిత్రా సోషల్ మీడియాలో చేసిన వ్యాఖ్యలు వివాదాస్పదమయ్యాయి.
ఆ వ్యాఖ్యలపై తీవ్ర అభ్యంతరం వ్యక్తం చేస్తూ జాతీయ మహిళా కమిషన్ చీఫ్.. లోక్‌సభ స్పీకర్ ఓం బిర్లా, దిల్లీ పోలీస్ కమిషనర్ సంజయ్ అరోరాలకు ఫిర్యాదు చేశారు.
కేసు
ట్విట్టర్‌లో చేసిన కామెంట్ ఏంటంటే..
యూపీలోని హత్రాస్‌లో జరిగిన ప్రమాదం తర్వాత రేఖా శర్మ బాధితులను పరామర్శించేందుకు అక్కడికి వెళ్లిన నేపథ్యంలో ఈ వివాదం చెలరేగింది.
హత్రాస్‌లో తొక్కిసలాట జరిగిన ప్రదేశానికి రేఖ వెళ్లినట్లు ఇన్‌స్టాగ్రామ్‌లో ఓ వీడియా కనిపించడంతో మహువా మోయిత్రా ట్విట్టర్ వేదికగా స్పందించారు.
ఆ వీడియోలో రేఖా శర్మ వెనుక ఒక వ్యక్తి గొడుగు పట్టుకుని నడుస్తున్నాడు. ఈ వీడియోను ఓ వ్యక్తి ట్విట్టర్‌లో షేర్ చేస్తూ.. శర్మ తన గొడుగు ఎందుకు మోయలేరు అని ప్రశ్నించారు.
ఈ ట్వీట్‌పై మహువా మోయిత్రా స్పందిస్తూ, "ఆమె (రేఖా శర్మ) తన బాస్ పైజామాను హ్యాండిల్ చేయడంలో చాలా బిజీగా ఉంది" అని కామెంట్ చేశారు. దీన్ని రేఖా శర్మ చాలా సీరియస్గా తీసుకుంది.