Loading...
Vehicle Insurance Rules India: ఇన్సూరెన్స్‌ లేకుంటే జరిమానా తప్పదు..టోల్‌ప్లాజా వద్దే గుర్తింపుకు ప్లాన్
ఇన్సూరెన్స్‌ లేకుంటే జరిమానా తప్పదు..టోల్‌ప్లాజా వద్దే గుర్తింపుకు ప్లాన్

Vehicle Insurance Rules India: ఇన్సూరెన్స్‌ లేకుంటే జరిమానా తప్పదు..టోల్‌ప్లాజా వద్దే గుర్తింపుకు ప్లాన్

వ్రాసిన వారు Balachander Sharma
Nov 18, 2026
05:51 pm

ఈ వార్తాకథనం ఏంటి

వాహనానికి థర్డ్‌ పార్టీ ఇన్సూరెన్స్‌ ఉందా లేదా అనేది ఇకపై టోల్‌ప్లాజాల వద్దే గుర్తించే విధానం అందుబాటులోకి రానుంది. బీమా గడువు ముగిసిన వాహనాలు జాతీయ రహదారులపై ప్రయాణిస్తే, వాటి యజమానులకు వెంటనే ఎస్‌ఎంఎస్‌ అలర్ట్‌ పంపించేలా జాతీయ రహదారుల ప్రాధికార సంస్థ (NHAI) కొత్త వ్యవస్థను పరీక్షిస్తోంది. ప్రస్తుతం ఢిల్లీలోని ముండ్కా టోల్‌ప్లాజా వద్ద ప్రయోగాత్మకంగా ఈ విధానాన్ని ప్రారంభించింది. త్వరలోనే దేశవ్యాప్తంగా విస్తరించే యోచనలో ఉన్నట్లు సమాచారం.

Details

వాహన్‌ డేటాబేస్‌తో ఆటోమేటిక్‌ తనిఖీ

వాహనం టోల్‌ప్లాజా దాటగానే దాని రిజిస్ట్రేషన్‌ వివరాలను కేంద్ర ప్రభుత్వ వాహన్‌ డేటాబేస్‌తో అనుసంధానించి తనిఖీ చేస్తారు.

ఈ డేటాబేస్‌లో ఉన్న బీమా వివరాల ఆధారంగా పాలసీ గడువు ముగిసిందా లేదా అనేది ఆటోమేటిక్‌గా గుర్తిస్తారు.

ఇన్సూరెన్స్‌ లేకపోతే వాహన యజమాని రిజిస్టర్డ్‌ మొబైల్‌ నంబర్‌కు ఎస్‌ఎంఎస్‌ వెళ్తుంది.

అందులో వాహనం నంబర్‌, టోల్‌ దాటిన సమయం, బీమా ముగిసిన తేదీ వంటి వివరాలు ఉంటాయి. వెంటనే పాలసీని రెన్యువల్‌ చేసుకోవాలని ఆ సందేశం సూచిస్తుంది.

Details

జరిమానా ఎంతంటే?

మోటారు వాహనాల చట్టం ప్రకారం రోడ్లపై తిరిగే ప్రతి వాహనానికి చెల్లుబాటయ్యే థర్డ్‌ పార్టీ ఇన్సూరెన్స్‌ తప్పనిసరి.

2026 ఆగస్టు 15 నుంచి అమల్లోకి వచ్చిన సవరించిన నిబంధనల ప్రకారం, బీమా లేకుండా మొదటిసారి పట్టుబడితే వాహనం బేస్‌ ప్రీమియానికి మూడు రెట్లు లేదా రూ.5,000.. ఈ రెండింటిలో ఏది ఎక్కువైతే అంత జరిమానా విధిస్తారు.

అదే తప్పు మరోసారి చేస్తే బేస్‌ ప్రీమియానికి ఐదు రెట్లు లేదా రూ.10,000 జరిమానా చెల్లించాల్సి ఉంటుంది.

ADVERTISEMENT

Details

వాహనదారులకు మంత్రి సూచన

థర్డ్‌ పార్టీ ఇన్సూరెన్స్‌ గడువు ముగియకముందే రెన్యువల్‌ చేసుకోవాలని ఏపీ రవాణా శాఖ మంత్రి మండిపల్లి రాంప్రసాద్‌ రెడ్డి వాహనదారులకు సూచించారు.

బీమా లేకుండా వాహనాలు నడిపి జరిమానాలు, చట్టపరమైన ఇబ్బందులు కొనితెచ్చుకోవద్దని హెచ్చరించారు.

ప్రమాదాలు జరిగినప్పుడు బాధితులకు ఆర్థిక భరోసా కల్పించడంలో థర్డ్‌ పార్టీ బీమా కీలకమని తెలిపారు.

టోల్‌ప్లాజా వద్ద ఎస్‌ఎంఎస్‌ రావడం మాత్రమే జరిమానా విధించినట్లు కాదని, నిబంధనల ప్రకారం సంబంధిత అధికారులు చర్యలు తీసుకుంటారని వాహనదారులు గుర్తుంచుకోవాలి.

అందుకే ప్రతి ఒక్కరూ తమ వాహన బీమా గడువును ముందుగానే పరిశీలించుకోవడం మంచిది.

ADVERTISEMENT