అందం: పొడిబారిన ముఖానికి మేకప్ వేసుకోవడం కష్టంగా ఉంటే ఇలా చేయండి
ఈ వార్తాకథనం ఏంటి
ముఖం మీద చర్మం పొడిబారినట్లయితే మేకప్ వేసుకోవడం కష్టంగా మారుతుంది. చనిపోయిన చర్మకణాల కారణంగా ముఖం మీద మేకప్ సరిగా అంటదు.
ఇలాంటప్పుడు మీరు మేకప్ వేస్తే, అది అతుకులుగా కనిపించి అసహ్యంగా ఉంటుంది. మరి చర్మం పొడిబారడం అనే సమస్యతో బాధపడేవారు మేకప్ ని ఎలా వేసుకుంటే బాగుంటుందో చూద్దాం.
మీ చర్మాన్ని ప్రిపేర్ చేయండి:
క్లీన్సర్ తో మీ చర్మాన్ని ముందుగా శుభ్రపరచండి. అంటే చనిపోయిన చర్మ కణాలపై కలబంద రసం కలిగిన స్క్రబ్ తో రుద్ది శుభ్రపర్చండి. ఆ తర్వాత హ్యాలురోనిక్ ఆసిడ్ ఉన్న మాయిశ్చరైజర్ ని ముఖానికి మర్దన చేయండి.
ముఖ్యంగా ముక్కు మీద మర్దన చేయండి. ముక్కు, దాని చుట్టు పక్కల భాగాలే తొందరగా పొడిబారిపోతాయి.
మేకప్
పొడిబారిన చర్మం ఉన్నవాళ్ళు మేకప్ వేసుకోవడానికి చేయాల్సిన పనులు
ప్రైమర్, ఫౌండేషన్ అప్లై చేయండి:
చర్మాన్ని శుభ్రపర్చిన తర్వాత మేకప్ ప్రైమర్ ని ముఖానికి వాడండి. ఆ తర్వాత లిక్విడ్ ఫౌండేషన్ ని ఉపయోగిస్తే మేకప్ సరిగ్గా అంటుతుంది. ఫౌండేషన్ ని అప్లై చేసేటపుడు స్పాంజ్ ఉపయోగించండి. చేతులను ఉపయోగిస్తే అతుకులుగా ఉంటుంది.
కాన్సీలర్ తో మేకప్ ని సెట్ చేయండి:
ఫౌండేషన్ పూర్తి కాగానే లిక్విడ్ లేదా క్రీమ్ కాన్సీలర్ ని ముఖం మీద, మచ్చలు కనిపిస్తున్న ప్రదేశాల్లో, నల్లని వలయాలుండే ప్రాంతాల్లో అప్లై చేయండి. దీని తర్వాత పౌడర్ లాంటివి పూయకుండా ఉంటే మంచిది.
ఐ మేకప్:
ముఖ భాగాలు పూర్తికాగానే కళ్ళ దగ్గరకు రావాలి. ఐ లైనర్ తో అందంగా తయారు చేయండి. కనురెప్పలకు కొత్త అందం ఇవ్వండి.