ప్రపంచంలోని విభిన్న హోటల్స్ గురించి ఇక్కడ తెలుసుకోండి
ఈ వార్తాకథనం ఏంటి
ఆతిధ్య రంగం రోజురోజుకు మారిపోతుంది. అతిధులను ఆకర్షించడానికి రకరకాల ప్రయత్నాలు జరుగుతున్నాయి. ప్రస్తుతం ప్రపంచంలోని విభిన్నమైన హోటల్స్ గురించి తెలుసుకుందాం.
ఇసుక గదుల హోటల్:
లండన్ లోని వీమచ్ సముద్ర తీరంలో ఈ హోటల్ ఉంది. ఇక్కడ బెడ్, సోఫా అన్నీ ఇసుకతో చేసినవే ఉంటాయి. ఈ హోటల్ లో కూర్చుని సూర్యోదయాన్ని, సూర్యాస్తమయాన్ని ఆస్వాదించవచ్చు.
విమాన హోటల్:
స్వీడన్ లోని ఆర్లాండ్ ఎయిర్ పోర్టులోని ఒక విమానంలో ఈ హోటల్ ఉంది. ఈ విమానంలోని ప్రదేశాన్ని గదులుగా మార్చేసి అద్దెకు ఇస్తున్నారు.
విమానంలో కూర్చుని ఎయిర్ పోర్టును చూడాలనుకుంటే ఈ హోటల్ కు వెళ్ళవచ్చు. ఈ హోటల్ కు మంచి డిమాండ్ కూడా ఉంది.
Details
కేవలం నిద్రపోవడానికి మాత్రమే పనికొచ్చే హోటల్
మురికి కాలువ పైపుల్లో హోటల్:
వినడానికి వింతగా ఉన్నా కూడా ఇది నిజం. మురికి కాలువల కోసం ఉపయోగించే పైపులను గదులుగా మార్చేసి హోటల్ ను తయారు చేసారు. ఇది ఆస్ట్రియాలోని ఓటమ్ షైమ్ నగరంలో ఉంది.
ఈ హోటల్ లో దిగాలనుకునే వారు, స్నానం చేయాలంటే బయటకు వెళ్ళాల్సి ఉంటుంది. కేవలం పడుకోవడానికి మాత్రమే ఈ హోటల్ ఉపయోగపడుతుంది.
సముద్రంలో హోటల్:
సముద్రంలో హోటల్ ఉండడం ఆశ్చర్యకరమే. ఈ ఆశ్చర్యకరమైన హోటల్ ని చూడాలంటే ఫిజి దేశం వెళ్ళాల్సిందే. సముద్రంలో 40అడుగుల లోతున రకరకాల సముద్ర జీవులు కనిపిస్తుంటాయి.
అటు సముద్ర అందాలను ఆస్వాదిస్తూ హ్యాపీగా ఉండొచ్చు. కాకపోతే 30వేల డాలర్లు ఖర్చు అవుతుందట.