ఆహారం: క్యారెట్, తులసి, పుచ్చకాయల జ్యూస్ తో ఆరోగ్యం
శరీరానికి కావాల్సినన్ని పోషకాలు అందాలంటే మన రోజువారి డైట్ లో పండ్లు, కూరగాయలను ఖచ్చితంగా చేర్చుకోవాలి. వాటిని మీరు తగినంతగా తినలేకపోతే జ్యూస్ చేసుకుని తాగడం అలవాటు చేసుకోవాలి. రోజు తప్పించి రోజు ఈ జ్యాస్ లను తీసుకోవడంతో పాటు చిరుతిళ్ళు, చక్కెర ఎక్కువగా ఉన్న ఆహారాలు, గ్యాస్ నిండి ఉన్న పానీయాలు, ప్రాసెస్డ్ ఆహారాలను దూరం పెట్టాలి. జలుబు, దగ్గు, ఆస్తమా, సైనస్ సమస్యలు, ఆస్తమా, అసిడిటీ, మలబద్దకం లాంటి సమస్యలు తులసి జ్యూస్ చిటికెలో దూరం చేస్తుంది. ఇది తయారు చేయడానికి పెద్దగా కష్టపడాల్సిన పనిలేదు. 25 తులసి ఆకుల్ని తీసుకుని పేస్ట్ తయారు చేసి, నిమ్మరసం, ఉప్పు, నీళ్ళు కలుపుకుని రోజుకు రెండు సార్లు తాగాలి.
పుచ్చకాయ, క్యారెట్ జ్యూస్
పుచ్చకాయలో నీటి శాతం ఎక్కువగా ఉంటుంది. అంతేకాదు ఇందులో ఉండే పొటాషియం వల్ల రక్తపీడనం(బీపీ) నియంత్రణలో ఉంటుంది. విటమిన్ ఏ, బీ6, బీ1, సి, మెగ్నీషియం లాంటి ఖనిజాలు ఉంటాయి. ఇవి కాలేయాన్ని, కిడ్నీలను శుభ్రపరుస్తాయి. మూత్రపిండంలో రాళ్ళను బయటకు పంపివేయడంలో పుచ్చకాయ జ్యూస్ సాయం చేస్తుంది. ఈ జ్యూస్ లో చక్కెర, ఉప్పు, మైదా కలపకపోతే బాగుంటుంది. క్యారెట్ జ్యూస్ లో అనేక పోషకాలు ఉంటాయి. శరీరంలో ఏర్పడే కణతులను ఇది తొలగిస్తుంది. బలాన్ని అందివ్వడంతో పాటు ఆకలిని పెంచుతుంది. రక్తాన్ని శుద్ధి చేసి, చర్మం, గోళ్ళు, వెంట్రుకల సమస్యలు రాకుండా కాపాడుతుంది. కొవ్వును కరిగించి బీపీ పెరగకుండా ఉంచుతుంది. కంటిచూపు సంరక్షణలో దీనిపాత్ర అమోఘం అని అదరికీ తెలుసు.
