విమాన ప్రయాణం భయంగా అనిపిస్తోందా? దాన్ని పోగొట్టుకునే మార్గాలివే
ఈ వార్తాకథనం ఏంటి
భూమి నుండి 16వేల అడుగుల ఎత్తులో చిన్న సిలిండర్ లాంటి డబ్బాల్లో ఉన్నప్పుడు భయం కలగడం, అది ఆందోళనగా మారడం సహజమే. కానీ అది తీవ్రంగా మారినప్పుడే మీకు ఇబ్బంది కలుగుతుంది.
ఐతే విమాన ప్రయాణంలో కలిగే యాంగ్జాయిటీని దూరం చేసుకోవచ్చు. దానికోసం ఏం చేయాలంటే,
ఊపిరి పీల్చుకోండి:
యాంగ్జాయిటీ కలిగినపుడు పెద్దగా ఊపిరి పీల్చుకోండి. అంటే ముక్కులోంచి గాలిని నెమ్మదిగా పీల్చుకుని ఆ తర్వాత నెమ్మదిగా వదలండి. డీప్ బ్రీత్ అన్నమాట. దీనివల్ల మెదడు అందాల్సిన ఆక్సిజన్ సరిగ్గా అందుతుంది.
దృష్టి మరల్చుకోండి:
మీ దృష్టంతా ప్రయాణం మీద పెట్టకుండా ఆల్రెడీ డౌన్ లోడ్ చేసుకున్న పాటలు వినడమో, వీడియోలు చూడడమో చేయాలి. వేరే వాటిమీద దృష్టి పెట్టినపుడు ఆందోళన తగ్గుతుంది.
యాంగ్జాయిటీ
విమాన ప్రయాణంలో భయాన్ని తగ్గించే టెక్నిక్స్
గ్రౌండ్ టెక్నిక్స్:
ఇవి యాంగ్జాయిటీని పూర్తిగా తగ్గిస్తాయి. 5-4-3-2-1 అనే పద్దతి ప్రకారం, 5వస్తువును చూడడం, నాలుగు శబ్దాలను వినడం, మూడు వస్తువులను ముట్టుకోవడం, రెండు వస్తువుల వాసన చూడడం, ఒక వస్తువును టేస్ట్ చేయడం వల్ల యాంగ్జాయిటీ తగ్గుతుంది.
విమాన సిబ్బందితో మాటలు:
యాంగ్జాయిటీతో బాధపడేవారితో ఎలా ప్రవర్తించాలనేది విమాన సిబ్బందికి శిక్షణ ఇస్తారు. కాబట్టి మీరు వారితో మాట్లాడండి. వాళ్ల జాబ్ ఎలా ఉంటుంది, కెరీఎ ఎలా సాగుతుంది తదితర విషయాలు అడగడం వల్ల మీలో యాంగ్జాయిటీ నెమ్మదిగా తగ్గుతుంది.
మందులు:
మీకు యాంగ్జాయిటీ బాగా తీవ్రంగా ఉంటే గనక మందులు వాడటం మంచిది. ఈ విషయంలో మీరు వైద్యులను సంప్రదించడం ఉత్తమం.