యాంగ్జాయిటీ డిజార్డర్ గురించి జనం నమ్మే అపోహాలు
ఈ వార్తాకథనం ఏంటి
యాంగ్జాయిటీ (ఆందోళన) అనేది సాధారణమైనదని కొందరు అంటుంటారు. అందుకే దాని గురించి జనంలో చాలా అపోహాలున్నాయి. ఈరోజు వాటిని బద్దలు కొడదాం.
అపోహా: యాంగ్జాయిటీ దానంతట అదే పోతుంది
ఏదైనా ఒత్తిడితో కూడుకున్న పని పూర్తయినపుడు యాంగ్జాయిటీ తగ్గిపోతుంది. అలా అని అది పూర్తిగా మీ నుండి వెళ్ళిపోయిందని కాదు. యాంగ్జాయిటీ లక్షణాలు ఏ టైమ్ లో ఎలా వస్తాయో ఎవ్వరూ చెప్పలేరు. అందరిలోనూ దానంతట అదే తగ్గిపోదు. కొంతమందికి ట్రీట్ మెంట్ అవసరం.
అపోహా: యాంగ్జాయిటీ అసలు వ్యాధే కాదు
ఇది నిజం కాదు, సైక్రియాట్రిస్టుల ప్రకారం ఇదొక మానసిక పరిస్థితి. దీనివల్ల శారీరక ఇబ్బందులైన గుండె వేగంగా కొట్టుకోవడం, ఛాతినొప్పి, జీర్ణం కాకపోవడం వంటి సమస్యలు వస్తాయి.
ఆరోగ్యం
యాంగ్జాయిటీ గురించి జనంలో ఉన్న అపోహాలు
అపోహా: మందుల వల్లనే యాంగ్జాయిటి తగ్గుతుంది
యాంగ్జాయిటీలో చాలా రకాలున్నాయి. వాటిల్లో ఒక్కోదాన్ని తగ్గించడానికి ఒక్కోరకమైన పద్దతి అవసరం పడుతుంది. కొన్నింటికి కాగ్నిటివ్ బిహేవియరల్ థెరపీ పనిచేస్తుంది.
అపోహా: యాంగ్జాయిటీతో బాధపడేవారు ఒత్తిడి కలుగజేసే పరిస్థితుల్లో ఉండకూడదు
ఇది సాధ్యం కాని పని. ఏ పని ఎప్పుడు ఒత్తిడి కలిగిస్తుందని ఎవ్వరమూ చెప్పలేం. రకరకాల ఫోబియాల వల్ల కుడా యాంగ్జాయిటీ వస్తుంది. అందుకే రోజు వారి పనుల్లో యాంగ్జాయిటీ ఎప్పుడు వస్తుందనే చెప్పలేరు.
అపోహా: యాంగ్జాయిటీ నుండి ఈజీగా బయటకు రావచ్చు
అంత ఈజీ కాదు. దీనికంటూ కొంచెం టైమ్ కావాలి. క్యాన్సర్, డయాబెటిస్ నుండి తొందరగా ఎలా బయటపడలేమో యాంగ్జాయిటీ నుండి కూడా తొందరగా బయటపడలేము.