Stress: ఒత్తిడి వేధిస్తోందా?.. ఈ చిట్కాలతో ఈజీగా తగ్గించుకోండి..!
ఈ వార్తాకథనం ఏంటి
ఒత్తిడికి ఒక్క కారణమంటూ చెప్పలేం. చదవాల్సిన విషయాలు,పూర్తి చేయాల్సిన పనులు, చెల్లించాల్సిన ఫీజులు,రాయాల్సిన పరీక్షలు,చేరాల్సిన కోర్సులు... ఇలా విద్యార్థుల జీవితంలో ప్రతి అంశం కొంతమేర ఒత్తిడిని కలిగిస్తుంది. దీని వల్ల అనేక సమస్యలను ఎదుర్కొంటూ ఉంటారు. అయితే, దీనినుంచి బయటపడేందుకు... ప్రధానంగా, మార్కుల విషయంలో తోటి విద్యార్థులతో పోల్చుకోవడం వల్ల ఒత్తిడి పెరుగుతుంది. దీని బదులుగా, గత సంవత్సరంతో పోల్చితే మెరుగైన ఫలితాలను సాధించాలనే లక్ష్యాన్ని పెట్టుకోవడం ఉత్తమం. ఒత్తిడికి కారణమైన సమస్యలను స్నేహితులు, కుటుంబ సభ్యులు లేదా ఉపాధ్యాయులతో షేర్ చేసుకోవచ్చు. ఈ విధంగా మనసు హాయిగా అనిపించడమే కాకుండా, వారు సూచించే పరిష్కారాల్లో ఉపయోగపడే వాటిని పాటించవచ్చు.
వివరాలు
సరైన ప్రణాళిక లేకపోతే మనసు గందరగోళం
చేయాల్సిన పనులు అధికంగా ఉండటం వల్ల ఒత్తిడి ఎక్కువగా అనిపించవచ్చు. అందువల్ల, ముందు చేయాల్సిన అన్ని పనులను ఒక జాబితాగా తయారు చేసుకుని, అత్యవసరమైన వాటిని ప్రాధాన్యతనిచ్చి పూర్తి చేయడం మంచిది. నిర్దిష్ట గడువు పెట్టుకుని, ఆలోచితమైన పద్ధతిలో పూర్తి చేస్తే ఒత్తిడిని తగ్గించుకోవచ్చు. అత్యవసరంగా లేని పనులను తర్వాత చేయవచ్చు లేదా అవసరమైతే వాయిదా వేసుకోవచ్చు. ఒక సరైన ప్రణాళిక లేకపోతే మనసు గందరగోళంగా మారుతుంది. అందుకే, ప్రతి విషయానికి తగిన సమయాన్ని కేటాయించి, ఒక సముచితమైన టైమ్‌టేబుల్ తయారుచేసుకుని, దాన్ని పాటించడానికి కృషి చేయాలి. ఒత్తిడిని నియంత్రించేందుకు ఉచితంగా సలహాలు అందించే స్వచ్ఛంద సంస్థలు కూడా ఉన్నాయి. అవసరమైనప్పుడు వారి సహాయం తీసుకోవచ్చు.
వివరాలు
పోషకాహారం తీసుకోవడం ద్వారా కూడా ఒత్తిడి నియంత్రించవచ్చు
మన శరీరం కూడా ఒత్తిడిని తగ్గించడంలో సహాయపడుతుంది. ఉదాహరణకు, వ్యాయామం చేయడం ద్వారా ఎండార్ఫిన్లు విడుదలై మానసిక ఒత్తిడిని తగ్గిస్తాయి,మనసుకు సంతోషాన్ని కలిగిస్తాయి. పోషకాహారం తీసుకోవడం ద్వారా కూడా ఒత్తిడిని నియంత్రించుకోవచ్చు. పాలు, అరటిపండు, నిమ్మజాతి పండ్లు, ఆకుకూరలు, బాదం, వాల్‌నట్స్, డార్క్ చాక్లెట్ వంటివి ఆహారంలో చేర్చుకుంటే, ఆందోళన తగ్గి మెదడు శక్తి మెరుగవుతుంది. ఇతరుల విజయగాధలు వినడం, చదవడం ద్వారా కూడా ప్రేరణ పొందవచ్చు. సాధారణంగా మనం చిన్న విషయాలకు ఆందోళన చెందుతుంటాం. కానీ, తీవ్ర కష్టాలను ఎదుర్కొన్నప్పటికీ కొందరు తమ లక్ష్యాలను సాధిస్తారు. అలాంటి వారి గురించి తెలుసుకుంటే, మన సమస్యలు చిన్నవిగా అనిపిస్తాయి, మన లక్ష్యంపై మరింత దృష్టి పెట్టగలుగుతాం.