దవడ నుండి చెవి వరకు నొప్పిగా ఉంటుందా? టీ ఎమ్ జే డిజార్డర్ కావచ్చు
ఈ వార్తాకథనం ఏంటి
టీ ఎమ్ జే డిజార్డర్ అనేది దవడ జాయింట్ల వద్ద నొప్పిని కలిగిస్తుంది. దీనివల్ల దవడ చుట్టూ ఉన్న కండరాల్లో నొప్పి కలుగుతుంది. కొన్నిసార్లు ఈ నొప్పి చెవి వరకూ ఉంటుంది.
ఇది చాలా సాధారమైన సమస్య. భారతదేశంలో ప్రతీ ఏటా దాదాపు 10మిలియన్ల మంది ఈ డిజార్డర్ కి గురవుతున్నారు. ఈ డిజార్డర్ కి నిజమైన కారణం ఏంటనేది ఈజీగా తెలుసుకోలేరు.
ప్రస్తుతం ఈ డిజార్డర్ గురించి తెలుసుకుని, దానివల్ల కలిగే నష్టాల నుండి ఎలా బయటపడాలో చూద్దాం.
ఈ నొప్పి శాశ్వతం కాదు: మన పుర్రను దవడను కలిపే అతుకు టెంపోరోమాండిబ్యులార్. ఈ అతుకులో ఏదైనా సమస్య వచ్చినపుడు దవడ భాగం మొత్తం నొప్పికి గురవుతుంటుంది.
ఆరోగ్యం
దానంతట అదే తగ్గిపోతుంది
ఒక్కోసారి ఈ నొప్పి ఒక దవడకే ఉంటే చాలా కొంతమందిలో మాత్రమే రెండు దవడల జాయింట్లలో కనిపిస్తుంది. సాధారణంగా ఈ నొప్పి కొన్ని రోజుల వరకు ఉంటుంది.
ఆ తర్వాత అదే దానంతట అదే తగ్గిపోతుంది. ఆర్థరైటిస్, దవడకు దెబ్బ తగలడం, పంటి సంబంధించిన ఇబ్బందులు ఎదురైనపుడు ఈ డిజార్డర్ బయటకు వస్తుంది.
ఈ డిజార్డర్ కారణంగా నోరు తెరవాలన్నా మూయాలన్నా నొప్పి కలుగుతూ ఉంటుంది. ముఖ కండరాలు లాగినట్టుగా అనిపిస్తాయి. ఆహారం నమలాలన్నా కష్టంగా ఉంటుంది.
ఈ సమస్య మరీ ఎక్కువగా ఉంటే నొపి నుండి ఉపశమనం కలిగించే మందులను వాడవచ్చు. అలాగే ఈ డిజార్డర్ వల్ల నిద్ర దూరమైతే దానికి కూడా మందులు వాడవచ్చు.