Good Friday 2026: బంధుమిత్రులకు గుడ్ ఫ్రైడే శుభాకాంక్షలు తెలుపండిలా..
ఈ వార్తాకథనం ఏంటి
2026 సంవత్సరంలో గుడ్ ఫ్రైడే ఏప్రిల్ 3వ తేదీన నిర్వహించబడుతుంది. క్రిస్టియన్లు సంప్రదాయం ప్రకారం, మానవుల పాపభారాన్ని తనపై స్వీకరించి, వారి రక్షణ కోసం ఏసుక్రీస్తు కల్వరి కొండపై సిలువ వేయబడిన రోజును గుడ్ ఫ్రైడేగా ఆచరిస్తారు. ఏసుక్రీస్తు అనుభవించిన బాధలు అత్యంత క్రూరమైనవైనా, ఆ రోజు "గుడ్" (మంచి) అని పిలవడానికి ఒక ముఖ్యమైన కారణం ఉంది. ఆయన చేసిన పరమ త్యాగం ద్వారా మానవులకు పాపముక్తి, దేవునితో ఐక్యత, శాశ్వత జీవం లభించాయని క్రైస్తవులు నమ్ముతారు. అందుకే ఈ రోజు మానవాళికి శుభప్రదమైనదిగా భావిస్తారు.
వివరాలు
గుడ్ ఫ్రైడే అని ఎందుకు పిలుస్తారు?
సిలువపై తీవ్రమైన వేదనను అనుభవిస్తున్నప్పటికీ, తనను బాధించిన వారి కోసం "తండ్రీ, వీరికి తెలియదు వారు ఏమి చేస్తున్నారో, వీరిని క్షమించు" అని ప్రార్థించడం ద్వారా ఏసుక్రీస్తు క్షమాభావానికి ప్రతీకగా నిలిచాడు. ఈ పవిత్ర దినాన క్రైస్తవులు ఉపవాసం పాటిస్తూ, ప్రార్థనలలో పాల్గొని, తమ జీవితాలను దేవుని బోధనలకు అనుగుణంగా మార్చుకునే ప్రయత్నం చేస్తారు. ఏప్రిల్ 3న గుడ్ ఫ్రైడే సందర్భంగా మీ స్నేహితులు, కుటుంబ సభ్యులు, ఆత్మీయులకు శుభాకాంక్షలు తెలుపండి.
వివరాలు
శుభాకాంక్షలు తెలుపండిలా..
మానవుల రక్షణ కోసం తన ప్రాణాన్ని అర్పించిన దేవుని త్యాగాన్ని ఈ రోజు స్మరించుకుందాం. మీకు గుడ్ ఫ్రైడే శుభాకాంక్షలు. ప్రభువైన ఏసుక్రీస్తు తన అపారమైన ప్రేమతో మీ జీవితం శాంతి, సంతోషం, వెలుగుతో నిండాలని కోరుకుంటున్నాను. ఆయన గాయాల ద్వారా మనకు స్వస్థత లభించింది. ఆ పరమాత్మకు కృతజ్ఞతలు తెలియజేస్తూ గుడ్ ఫ్రైడే శుభాకాంక్షలు. కల్వరి సిలువపై చిందించిన ప్రతి రక్తపు చుక్క మన పాపాలకు విమోచనం. దేవుని కృప ఎల్లప్పుడూ మీతో ఉండాలని ఆశిస్తున్నాను. ఈ గుడ్ ఫ్రైడే మీ జీవితంలో కొత్త ఆశలు, దేవునిపై దృఢమైన విశ్వాసాన్ని నింపాలని కోరుకుంటున్నాను.
వివరాలు
ఆత్మీయులకు విషెష్ చెప్పండిలా..
ఏసుక్రీస్తు సిలువ మరణం మనకు నేర్పిన గొప్ప విలువలు ప్రేమ, క్షమ. ఆయన మార్గంలో నడుద్దాం. దేవుడు మనపై ఉన్న ప్రేమతో తన ఏకైక కుమారుడిని బలి చేశాడు. గుడ్ ఫ్రైడే ఆశీస్సులు. కష్టసమయంలో నిరాశ చెందకండి. సిలువను చూసిన ప్రతిసారి దేవుని అపార ప్రేమను గుర్తు చేసుకోండి. మీ ప్రార్థనలను దేవుడు ఆలకించి, మీ కుటుంబంపై తన కృపను కురిపించుగాక. ఉపవాసం, భక్తితో ఆయనను ఆరాధిద్దాం. ఈ ప్రపంచంలో ఎవ్వరూ చూపలేని అంతులేని ప్రేమను ఏసుక్రీస్తు సిలువపై మనకు చూపించాడు. సిలువ మరణం అంతం కాదు, అది రక్షణకు ఆరంభం. గుడ్ ఫ్రైడే శుభాకాంక్షలు.