వర్షాకాలంలో ఫంగల్ సైనసైటిస్ బారిన పడకుండా ఉండాలంటే చేయాల్సిన పనులు
ఈ వార్తాకథనం ఏంటి
వర్షాకాలంలో తేమ ఎక్కువగా ఉండటం వల్ల వైరల్, బ్యాక్టీరియా, ఫంగస్ ఇన్ఫెక్షన్లు ఎక్కువగా వ్యాపిస్తుంటాయి. ప్రస్తుతం ఫంగల్ సైనసైటిస్ గురించి తెలుసుకుందాం.
ఇది సాధారణమైనదే. కానీ కొన్నిసార్లు తీవ్రంగా మారి అనేక అనారోగ్యాలకు దారితీస్తుంది.
వాతావరణంలోని తేమ పెరిగిపోయి ఫంగస్ ఏర్పడి అది ముక్కులోని సైనస్ భాగాలను సోకితే ఫంగల్ సైనసైటిస్ వస్తుంది.
ఫంగల్ సైనసైటిస్ కారణంగా ముక్కులో ఇబ్బందిగా ఉండడం, ముఖ భాగంలో నొప్పి, తలనొప్పి, జ్వరం, వంటి లక్షణాలు కనిపిస్తాయి.
ఫంగల్ సైనసైటిస్ తీవ్రమైతే కంటి సంబంధ సమస్యలు వచ్చే అవకాశం ఉంది. వాసన రుచీ తెలియకుండా పోయే ఛాన్స్ కూడా ఉంటుంది.
Details
ఎయిడ్స్ వ్యాధిగ్రస్థుల్లో ఫంగల్ సైనసైటిస్
ఫంగల్ సైనసైటిస్ అనేది రోగనిరోధక శక్తి తక్కువగా ఉన్నవారిలో తొందరగా వ్యాపిస్తుంది. ఎయిడ్స్, డయాబెటిస్ వ్యాధిగ్రస్థుల్లో రోగనిరోధక శక్తి తక్కువగా ఉంటుంది కాబట్టి, వాళ్ళకు ఫంగల్ సైనసైటిస్ సోకే అవకాశం ఎక్కువ.
ఫంగల్ సైనసైటిస్ రాకుండా తీసుకోవాల్సిన జాగ్రత్తలు: ముక్కు లోపలి భాగాన్ని తేమగా ఉంచుకోవాలి. పూర్తిగా పొడిబారిపోతే ఇబ్బంది అవుతుంది.
సైనస్ తో బాధపడేవారు కాలుష్యం వెలువడే ప్రాంతాల్లోకి వెళ్ళకుండా ఉండాలి. సరైన ఆహారం, కావాల్సినంత నిద్ర అనేవి రోగనిరోధక శక్తిని పెంచుతాయి. జీవనశైలి సరిగ్గా ఉంటే ఫంగల్ సైనసైటిస్ ని నివారించవచ్చు.
అప్పుడప్పుడు ఆవిరి పట్టుకోవడం వల్ల ఫంగల్ సైనసైటిస్ నుండి నివారించుకోవచ్చని నిపుణులు తెలియజేస్తున్నారు.