ఒక రోజులో మన శరీరానికి ఎన్ని కార్బోహైడ్రేట్లు అవసరమవుతాయో మీకు తెలుసా?
ఈ వార్తాకథనం ఏంటి
మన శరీరానికి ప్రధానంగా శక్తినందించే వనరులుగా కార్బోహైడ్రేట్లను చెప్పుకోవచ్చు.
రోజువారి ఆహారంలో కార్బోహైడ్రేట్లు మరీ ఎక్కువగా తీసుకున్నా లేదా మరీ తక్కువగా తీసుకున్నా కూడా అనేక సమస్యలు వస్తాయి.
ప్రస్తుతం ఒకరోజులో ఎన్ని కార్బోహైడ్రేట్లు తీసుకోవాలో ఇక్కడ తెలుసుకుందాం.
అసలు కార్బోహైడ్రేట్లు ఏం చేస్తాయి?
మనం తీసుకున్న ఆహారం జీర్ణమైన తర్వాత అందులోని కార్బోహైడ్రేట్లు చక్కెరగా మారి శరీరానికి శక్తిని అందిస్తాయి. కార్బోహైడ్రేట్లలో సంక్లిష్ట కార్బోహైడ్రేట్లు, సరళ కార్బోహైడ్రేట్లు అనే రెండు రకాలు ఉంటాయి.
సంక్లిష్ట కార్బోహైడ్రేట్లలో ఫైబర్ ఎక్కువగా ఉంటుంది. అందువల్ల ఇవి జీర్ణం కావడానికి సమయం ఎక్కువగా పడుతుంది. సరళ కార్బోహైడ్రేట్లు తొందరగా జీర్ణమై రక్తంలో చక్కెర శాతాన్ని అమాంతం పెంచేస్తాయి.
Details
పండ్లు, కూరగాయల్లో దొరికే కార్బోహైడ్రేట్లు
సంక్లిష్ట కార్బోహైడ్రేట్లు పండ్లు, కూరగాయలు, చిక్కుళ్ళు మొదలగు ఆహారాల్లో లభిస్తాయి. ఒక రోజులో ఎన్ని కార్బోహైడ్రేట్లు తీసుకోవాలి.
మయో క్లినిక్ ప్రకారం ఒక రోజులో తీసుకునే కేలరీలలో 45 నుండి 65% కార్బోహైడ్రేట్ల నుండి తీసుకోవాలి. అంటే ఒకరోజులో నువ్వు 2వేల కేలరీలు ఆహారంగా తీసుకున్నావంటే అందులో 900 నుండి 1300 క్యాలరీలు కార్బోహైడ్రేట్ ల నుండి అందాల్సి ఉంటుంది.
అంటే ఒక రోజులో 225 గ్రాముల నుండి 325గ్రాముల వరకు కార్బోహైడ్రేట్లను తీసుకోవాలి.
శారీరకంగా శ్రమ ఎక్కువగా చేసేవారు అంతకన్నా ఎక్కువగా కార్బోహైడ్రేట్లను తీసుకోవాల్సి ఉంటుంది. శారీరక శ్రమ తక్కువ చేసేవారు కొంచెం తక్కువ కార్బోహైడ్రేట్లను తీసుకోవాలి.