Micro-habit: బ్రేక్ఫాస్ట్కు ముందే ఈ అలవాటు ఉంటే.. బ్లడ్ టెస్ట్ రిపోర్టుల్లో మార్పులు ఖాయం!
ఈ వార్తాకథనం ఏంటి
బ్లడ్ టెస్ట్ రిపోర్టులు మన దీర్ఘకాలిక జీవనశైలికి అద్దంలాంటివనే భావన చాలా మందిలో ఉంటుంది. అందుకే రిపోర్టుల్లో ఏవైనా అసమతుల్యతలు కనిపిస్తే, వాటిని సరిచేయడం చాలా కష్టమని అనుకుంటారు. కానీ ప్రతిరోజూ ఉదయం మనం పాటించే అతి చిన్న అలవాట్లు కూడా శరీర ఆరోగ్య సూచీలపై గణనీయమైన ప్రభావం చూపుతాయని ప్రముఖ నిపుణులు వెల్లడించారు. తమ వద్దకు చికిత్స కోసం వచ్చే అనేక మంది రోగుల్లో కేవలం ఒక్క 'మైక్రో హ్యాబిట్' (Micro-habit) అమలు చేయడం ద్వారా వారి బ్లడ్ ప్యానల్ రిపోర్టుల్లో గణనీయమైన మెరుగుదలలు వచ్చినట్లు తెలిపారు.
Details
ఉదయం మొదటి గంట ఎందుకు కీలకం?
చాలామంది ఉదయం లేవగానే చేసే పనులు ఆరోగ్యంపై ఎలాంటి ప్రభావం చూపుతాయో పెద్దగా పట్టించుకోరన్నారు. బ్రేక్ఫాస్ట్ తీసుకునేలోపే శరీరంలో స్ట్రెస్ హార్మోన్లు గరిష్ట స్థాయికి చేరుతాయి. మొదటి ముద్ద తినకముందే రక్తంలో చక్కెర స్థాయిల్లో అస్థిరత మొదలవుతుంది. మీరు రోజంతా ఎంత ఆరోగ్యకరమైన జీవనశైలిని పాటించినా, ఉదయం పూట చేసే ఒకే ఒక్క తప్పుడు అలవాటు ఆ ప్రయోజనాన్ని పూర్తిగా తుడిచిపెట్టేస్తుందని ఆయన వివరించారు. 20 ఏళ్లుగా వేలాది రోగుల ఆరోగ్య పరిస్థితులను పరిశీలించిన అనంతరం, శరీరానికి ఉదయాన్నే మనం ఇచ్చే సంకేతాలే అత్యంత కీలకమని ఆయన ఒక నిర్ణయానికి వచ్చారు. జీవక్రియలు(Metabolism)సరైన సమయంలో ప్రారంభం కాకపోవడం, ఒత్తిడి సంకేతాలు వల్లనే చాలామందికి బరువు తగ్గకపోవడం, శక్తిలేమి వంటి సమస్యలు ఎదురవుతున్నాయని విశ్లేషించారు.
Details
ఆ ఒక్క మైక్రో హ్యాబిట్ ఏమిటంటే…
శరీరానికి ఎలాంటి ఉద్దీపనలు (Stimulation) ఇవ్వకముందే కదలికను ఇవ్వాలి" అని ఆయన సూచిస్తున్నారు. అంటే, ఉదయం లేవగానే కాఫీ లేదా టీ తాగడం, మొబైల్ స్క్రీన్ చూడటం, ఆఫీస్ ఒత్తిళ్ల గురించి ఆలోచించడం మొదలుపెట్టే ముందు... కేవలం 5 నుంచి 10 నిమిషాల పాటు చిన్నపాటి నడక లేదా తేలికపాటి వ్యాయామం చేయాలని సూచించారు. ఇలా చేయడం వల్ల నాడీ వ్యవస్థ (Nervous System) ప్రశాంతంగా మారుతుందని, శరీరం తగినంత శక్తి అందుబాటులో ఉందని గ్రహించి ఎలర్ట్ మోడ్లోకి వెళ్లకుండానే జీవక్రియలను చురుగ్గా ప్రారంభిస్తుందని ఆయన తెలిపారు.
Details
ఆశ్చర్యపరిచే ఫలితాలు
ఈ చిన్న అలవాటు అమలు చేసిన రోగుల్లో వచ్చిన మార్పులను గణాంకాలతో సహా వెల్లడించారు. 70 శాతం మందిలో కఠినమైన డైటింగ్ చేయకుండానే స్థిరంగా బరువు తగ్గడం కనిపించింది. 82 శాతం మంది కేవలం కొన్ని వారాల్లోనే తమ శక్తి స్థాయిలు గణనీయంగా పెరిగాయి. 68 శాతం మందిలో శరీర రికవరీ రేటు స్పష్టంగా మెరుగుపడింది. వృద్ధాప్యంలో కూడా ఆరోగ్యంగా ఉండటం అంటే తీవ్రమైన వ్యాయామాలు చేయడం కాదు. సరైన సమయంలో శరీరానికి సరైన జీవక్రియ సంకేతాలను అందించడమే నిజమైన రహస్యమని నిపుణులు చెబుతున్నారు.