లక్నో, కోల్ కతా బిర్యానీల కంటే చెన్నై దిండిగల్ బిర్యానీ బాగుందంటూ ట్వీట్ వార్ కి తెరలేపిన నెటిజన్
ఏ ప్రాంత ప్రజలకైనా అక్కడి ఆహారాలు కూడా వాళ్ళ సంస్కృతిలో ఒక భాగంగా ఉంటాయి. అలా బిర్యానీని కూడా తమ సంస్కృతిలో భాగంగా చూసేవాళ్ళు ఎంతోమంది ఉన్నారు. ఇప్పుడు వాళ్ళందరితో చర్చకు దిగాడు యూనస్ లాసనియా అనే పర్సన్. ట్విట్టర్ వేదికగా పోస్ట్ చేసిన యూనస్, తనకు హైదరాబాద్ బిర్యానీ అంటే ఇష్టమని చెబుతూనే, చెన్నై లోని దిండిగల్ బిర్యానీ బాగుందనీ, లక్నో, కోల్ కతా బిర్యానీల కంటే అద్భుతంగా ఉందనీ అన్నాడు. అంతే, ఒక్కసారిగా నెటిజన్లు అందరూ యూనస్ ట్వీట్ కి స్పందించారు. బిర్యానీ అంటే హైదరాబాద్ బిర్యానీ మాత్రమేనని, మిగతావన్నీ పులావ్ లనీ ఒక నెటిజన్ అనడంతో, యూనస్ సమాధానమిస్తూ హైదరాబాద్ బిర్యానీ కూడా పులావేనని అన్నాడు.
బిర్యానీ గురించి యుద్ధం, ట్విట్టర్ లో వార్
లక్నో, కోల్ కతా, చెన్నై దిండిగల్ బిర్యానీల ప్రత్యేకత
మరికొందరేమో, అసలు బిర్యానీ అంటే బాస్మతి బియ్యంతో చేస్తారనీ, బాస్మతి బియ్యంతో చేయనిది బిర్యానీ కాదనీ అన్నారు. ఇంకొందరేమో, యూనస్ కి మద్దతుగా, దిండిగల్ బిర్యానీ బాగుంటుందనీ అన్నారు. అయితే లక్నో, కోల్ కతా, దిండిగల్ బిర్యానీల మధ్య తేడా లక్నో బిర్యానీ : పర్షియన్ స్టైల్ కుకింగ్ లో వండే ఈ బిర్యానీని చిన్నమంట మీద చాలాసేపు వండుతారు. కోల్ కతా బిర్యానీ: ఈ బిర్యానీ కొంచెం తియ్యగా ఉంటుంది. మొఘల్ వంటకాల స్ఫూర్తితో ఉండే ఈ బిర్యానీలో బంగాళ దుంపలు అధికంగా ఉంటాయి. దిండిగల్ బిర్యానీ: దక్షిణాది రాష్ట్రాల వంటకాల మాదిరిగా ఉండే ఈ బిర్యానీని బాస్మతి బియ్యంతో కాకుండా జీరా సాంబ రైస్ తో తయారు చేస్తారు.