మదర్స్ డే రోజున మీ స్నేహితులతో పంచుకోవాల్సిన సందేశాలు, కొటేషన్లు
భగవంతుడు ప్రతీచోట ఉండలేడు కాబట్టే అమ్మను సృష్టించాడు. సృష్టికి మూలం అమ్మ. చివరికి ఆ దేవుడు కూడా అమ్మ కడుపులోంచే పుట్టాడు. అందుకే అమ్మే ఆదిదేవత. ఈరోజు మాతృమూర్తుల దినోత్సవం. ఈ సందర్భంగా మీ ఫ్రెండ్స్ తో పంచుకోవాల్సిన సందేశాలు, కొటేషన్లు ఏంటో చూద్దాం. ఈ ప్రపంచంలో అమ్మను మించి నిజాయితీ గల స్నేహితులు ఎవ్వరూ లేరు -వాషింగ్టన్ ఇర్వింగ్. ఈ ప్రపంచంలో అమ్మ మాత్రమే నువ్వు ద్వేషించినా నిన్ను ప్రేమిస్తుంది - మాతృమూర్తుల దినోత్సవ శుభాకాంక్షలు. బిడ్డ కడుపు నింపడం కోసం, తను పస్తులుంటుంది. బిడ్డ గెలవడం కోసం తను అన్నింట్లోనూ ఓడిపోతుంది. ఈ ప్రపంచంలో తల్లిని మించిన యోధులెవ్వరూ లేరు.
అమ్మ కన్నా కమ్మని పదం లేనే లేదు
నాలోని భయాన్ని చిటికెలో మాయం చేసి, నా వెనక ఉండి నన్ను ముందుకు నడిపిస్తూ, తన ఆరోగ్యాన్ని పట్టించుకోకుండా, నా భవిష్యత్తు బాగుండాలని, ఎన్నో త్యాగాలు చేసే మా అమ్మకు ఏమిచ్చినా రుణం తీర్చుకోలేను - మదర్స్ డే శుభాకాంక్షలు. ప్రాణం కన్నా గొప్పదేదీ లేదంటే, ఆ ప్రాణమిచ్చిన అమ్మ ఇంకెంత గొప్ప కావాలి. ఈ ప్రపంచంలో అమ్మకు సాటి లేదు - మదర్స్ డే శుభాకాంక్షలు. అమ్మ గురించి కవిత రాయాలని కూర్చున్నాను. ఐదు నిమిషాలైంది, పది నిమిషాలైంది, పెన్నులో ఇంకు పేపర్ మీదకు జారట్లేదు. ఇరవై నిమిషం పూర్తవుతుండగా, అమ్మ అని రాసాను. అమ్మ అనే పదం కన్నా అందమైన వాక్యం ఇంకేముంటుంది - మదర్స్ డే శుభాకాంక్షలు.
