జాతీయ చియాగింజల దినోత్సవం: జుట్టుకు, చర్మానికి మేలు చేసే చియాగింజలు
ఈ వార్తాకథనం ఏంటి
చియాగింజల్లోని పోషకాల గురించి తెలుసుకోవడానికి ప్రతీ ఏడాది మార్చ్ 23వ తేదీన జాతీయ చియా గింజల దినోత్సవాన్ని జరుపుతారు. ఒమెగా 3కొవ్వులు, యాంటీఆక్సిడెంట్స్, ఫైబర్ ఉండే చియా గింజలు మీ జుట్టుకు, చర్మాన్ని మేలు చేస్తాయి.
ప్రస్తుతం వీటివల్ల జుట్టుకు, చర్మానికి కలిగే మేలు ఏంటో చూద్దాం.
చర్మాన్ని తేమగా ఉంచుతుంది:
నీటిలో కరిగే ఫైబర్ ఉండడం వల్ల చర్మాన్ని పొడిబారకుండా చూసుకుంటుంది. చియా గింజలను, కొబ్బరి నూనెను ఒకే దగ్గర కలిపి అందులో కొంత నిమ్మరసం వేసి ముఖానికి మర్దన చేసుకుంటే చాలు. 10నిమిషాలయ్యాక గోరువెచ్చని నీళ్లతో ముఖాన్ని కడుక్కోండి.
ఎండ నుండి కాపాడుతుంది:
బయటకు వెళ్లాలనుకున్నప్పుడు చియా గింజల్ పేస్ట్ ని ముఖంపై మర్దన చేసుకుని కాసేపయ్యాక కడిగేయాలి.
చర్మ సంరక్షణ
జుట్టుకు మృదుత్వాన్ని, కుదుళ్ళకు బలాన్నిచ్చే చియా గింజలు
మొటిమలను తగ్గిస్తుంది:
ముఖం మీద మొటిమలు చాలా సహజం. వీటిని తొలగించడానికి మార్కెట్లో చాలా సాధనాలు దొరికినా వాటి వల్ల పెద్దగా ప్రయోజనం లేకపోతే చియా గింజల పేస్ట్ ట్రై చేయండి.
ఇందులో జింక్ ఉంటుంది కాబట్టి అధిక జిడ్డుదనం వల్ల ఏర్పడిన మొటిమలను దూరం చేసి ముఖాన్ని మెరిసేలా తయారు చేస్తుంది. అంతేకాదు చర్మానికి మృదుత్వాన్ని తీసుకొస్తుంది.
జుట్టుకు మృదుత్వాన్ని ఇస్తుంది:
చియా గింజలు నీళ్ళలో 30నిమిషాలు నానబెట్టి అందులో ఆపిల్ సైడర్ వెనిగర్ కలిపి చియా గింజలను బాగా నలపాలి. ఇప్పుడు ఆ మిశ్రమాన్ని జుట్టుకు మాస్క్ లాగా వేసుకోవాలి. 30నిమిషాల తర్వాత కడిగితే సరిపోతుంది.
చియా గింజల్లోని పోషకాల కారణంగా జుట్టు కుదుళ్ళు బలంగా తయారవుతాయి.