Mustache Baby: మీసాలతో నవజాత శిశువు.. సోషల్ మీడియాలో వైరల్ అవుతున్న వీడియో నిజమేనా?
ఈ వార్తాకథనం ఏంటి
సోషల్ మీడియాలో ఎప్పుడు ఏ వీడియో వైరల్ అవుతుందో చెప్పడం కష్టం. తాజాగా ఓ నవజాత శిశువుకు సంబంధించిన వీడియో నెట్టింట తెగ వైరల్ అవుతోంది. ఈ వీడియోలో పుట్టిన బిడ్డకు దట్టమైన మీసాలు,చిన్నపాటి గడ్డం కనిపిస్తుండటం అందరినీ ఆశ్చర్యానికి గురిచేస్తోంది. అసలు ఈ వీడియో నిజమైనదేనా? లేక డిజిటల్ ఎడిటింగ్‌తో సృష్టించారా? అనే చర్చ నెటిజన్ల మధ్య జోరుగా సాగుతోంది. టిక్‌టాక్‌తో పాటు పలు సోషల్ మీడియా ప్లాట్‌ఫామ్‌లలో ఈ వీడియోను షేర్ చేస్తున్నారు. ఇందులో ఆసుపత్రి బెడ్‌పై ఉన్న ఓ చిన్నారి అటూ ఇటూ కదులుతూ కనిపిస్తాడు. ఓ మహిళ ఆ పసికందుతో మాట్లాడుతున్న దృశ్యాలు కూడా వీడియోలో ఉన్నాయి.
వివరాలు
శరీరంపై 'లానుగో' అనే సన్నని వెంట్రుకలు
ఈ వింత వీడియోను చూసిన నెటిజన్లు సరదాగా స్పందిస్తున్నారు. 'పుట్టగానే మధ్యవయస్కుడిలా బాధ్యతలు తీసుకున్నాడు' అంటూ ఫన్నీ కామెంట్లు చేస్తున్నారు.
అయితే, ఈ వీడియో నిజమైనదేనా అనే విషయంలో అనుమానాలు వ్యక్తమవుతున్నాయి.
సాధారణంగా కొంతమంది శిశువులు పుట్టినప్పుడు వారి శరీరంపై 'లానుగో' అనే సన్నని వెంట్రుకలు ఉంటాయి.
ఇవి సాధారణంగా పలుచగా, లేత రంగులో కనిపిస్తాయి.
అయితే, ఈ వీడియోలో ఉన్నట్లుగా దట్టంగా, నల్లగా మీసాలు, గడ్డం ఉండటం సాధారణం కాదని వైద్యులు చెబుతున్నారు.
వివరాలు
ఈ వీడియోను నిజమైనదిగా నిర్ధారించడానికి తగిన ఆధారాలు లేవు
వీడియోను నిశితంగా పరిశీలించిన కొందరు నెటిజన్లు మరికొన్ని అంశాలను గుర్తించారు.
శిశువు కదులుతున్నప్పుడు మీసాలు సహజంగా కదలకపోవడం, పరిసరాల్లోని వెలుతురుకు అనుగుణంగా నీడలు సరిగ్గా కనిపించకపోవడం వంటి విషయాలను ప్రస్తావిస్తున్నారు.
దీంతో ఈ వీడియోను ఏఐ (ఆర్టిఫిషియల్ ఇంటెలిజెన్స్) ఫిల్టర్ లేదా డిజిటల్ ఓవర్‌లే సాయంతో రూపొందించి ఉండవచ్చని పలువురు అనుమానిస్తున్నారు.
ప్రస్తుతానికి ఈ వీడియోకు సంబంధించి ఎలాంటి అధికారిక ధ్రువీకరణ అందుబాటులో లేదు. అలాగే, ఆ చిన్నారి కుటుంబానికి సంబంధించిన వివరాలు కూడా వెల్లడికాలేదు.
కాబట్టి ఈ వీడియోను నిజమైనదిగా నిర్ధారించడానికి తగిన ఆధారాలు లేవు.
సోషల్ మీడియాలో వైరల్ అవుతున్న ప్రతి వీడియోను నిజమని నమ్మకుండా, దాని వెనుక ఉన్న వాస్తవాలను నిర్ధారించుకోవడం అవసరం.
ట్విట్టర్ పోస్ట్ చేయండి
నెట్టింట సంచలనం సృష్టిస్తున్న మీసాల బాబు..
A newborn baby is going VIRAL for arriving in this world with a FULL MUSTACHE
— Mario Nawfal (@MarioNawfal) October 23, 2026
Bro skipped kindergarten and went straight to his midlife crisis 🤣
Writer: Sol
pic.twitter.com/VJY2V55Jfs