రెసిపీ: క్యారెట్ లోని పోషకాలు శరీరానికి అందాలంటే క్యారెట్ దోస ట్రై చేయండి
ఈ వార్తాకథనం ఏంటి
క్యారెట్ లో మంచి పోషకాలుంటాయి. ఇందులో ఉండే విటమిన్ ఏ, కళ్ళకు మేలు చేస్తుంది. అలాగే ఇందులోని బీటాకెరోటిన్ చర్మాన్ని సంరక్షిస్తుంది. రోగనిరోధక శక్తిని పెంచుతుంది.
మరి ఇంత మేలు చేసే క్యారెట్ ని కొంతమంది డైరెక్ట్ గా తినలేరు. అలాంటి వారు క్యారెట్ దోస ట్రై చేయవచ్చు. దీన్ని చేయడం చాలా సింపుల్.
పొద్దు పొద్దున్నే బ్రేక్ ఫాస్ట్ లో క్యారెట్ దోస తింటే ఆ మజానే వేరు. దోసను ఎక్కువగా ఇష్టపడేవారు క్యారెట్ దోసని ట్రై చేయండి. మీరు మళ్ళీ మళ్ళీ తినాలని అనుకుంటారు.
రెసిపీ:
క్యారెట్ దోస తయారు చేయడానికి క్యారెట్, అల్లం తీసుకుని వాటిని బాగా తురిమి పక్కన పెట్టుకోవాలి.
క్యారెట్ దోస
నోరూరించే క్యారెట్ దోస తయారీ
ఇప్పుడు దోస పిండిని రెడీ చేసి ఉంచుకోవాలి.
ఆ తర్వాత ఒక పాత్ర తీసుకుని అందులో కొంత నూనె వేసి, క్యారెట్ తురుమును, అల్లం తురుమును వేయించాలి. వేయించిన దాన్ని గ్రైండర్ లో వేసి రుబ్బాలి.
ఇప్పుడు క్యారెట్, అల్లం కలిసి పేస్ట్ లాగా తయారవుతుంది. ఈ పేస్ట్ ని ఆల్రెడీ తయారు చేసుకున్న దోసపిండిలో కలిపేయాలి.
ఆ దోసపిండితో పెనం మీద దోసలు వేయాలి. పెనం మీద కాలుతున్న దోసల మీద కొద్దిగా నూనె జల్లాలి. ఈ దోసను మరోవైపు కూడా బాగా కాల్చాలి. అలా మొత్తం దోసలను తయారు చేసుకోండి.
ఆ తర్వాత టమాట చట్నీ, వేరుశనగ చట్నీ తయారు చేసుకుని దోసలను హ్యాపీగా ఆరగించండి.