Lying Saucer eVTOL: చైనా ఫ్లయింగ్ సాసర్ విమానం వచ్చేసింది.. రూ.1.10 కోట్ల ధర.. నీటిపైనా ల్యాండింగ్!
ఈ వార్తాకథనం ఏంటి
చైనాకు చెందిన ఓ స్టార్టప్ సంస్థ సరికొత్త విమానాన్ని తయారు చేసి అందరి దృష్టినీ ఆకర్షిస్తోంది. సినిమాల్లో కనిపించే UFOను తలపించేలా ఫ్లయింగ్ సాసర్ ఆకారంలో రూపొందించిన ఈ ఎలక్ట్రిక్ విమానాన్ని ప్రయాణికుల కోసం విక్రయిస్తోంది. eVTOL (Electric Vertical Takeoff and Landing) సాంకేతికతతో రూపొందించిన ఈ విమానాన్ని తూర్పు చైనాలోని జెజియాంగ్ ప్రావిన్స్ యివు గ్లోబల్ డిజిటల్ ట్రేడ్ సెంటర్లో ప్రదర్శనకు ఉంచారు. వింత ఆకారంలో ఉన్న ఈ విమానాన్ని చూసేందుకు సందర్శకులు పెద్ద సంఖ్యలో తరలివచ్చారు. దీనికి సంబంధించిన వీడియోలు ప్రస్తుతం సోషల్ మీడియాలో వైరల్గా మారాయి.
వివరాలు
వింత ఆకారం.. ప్రత్యేక క్యాబిన్
ఈ మ్యాన్డ్ eVTOL ఎయిర్క్రాఫ్ట్ను SMD (Shenzhen Smart Drone UAV) సంస్థ అభివృద్ధి చేసింది.
డిస్క్ ఆకారంలో ఉండే దీని బాడీ మధ్యలో ప్రయాణికుల కోసం గోళాకార క్యాబిన్ను ఏర్పాటు చేశారు.
ఈ క్యాబిన్ 360 డిగ్రీల కోణంలో బయటివైపు దృశ్యాలను వీక్షించేలా పూర్తిగా పారదర్శకంగా ఉంటుంది.
విమానం నిర్మాణంలో ఫైబర్గ్లాస్, కార్బన్ ఫైబర్, అల్యూమినియం అల్లాయ్, ఏవియేషన్-గ్రేడ్ లామినేట్లను ఉపయోగించారు.
ఇందులో పైలట్తో కలిపి మొత్తం ఇద్దరు మాత్రమే ప్రయాణించేందుకు వీలుంటుంది.
వివరాలు
రన్వే అవసరం లేదు
ఈ ఫ్లయింగ్ సాసర్లో ప్రధాన ఆకర్షణ దాని టేకాఫ్,ల్యాండింగ్ సామర్థ్యమే. సాధారణ విమానాల మాదిరిగా రన్వే అవసరం లేకుండానే ఇది నిలువుగా గాల్లోకి ఎగరగలదు.
అలాగే నిలువుగానే ల్యాండ్ కావచ్చు. అంతేకాదు..నీటిపై కూడా టేకాఫ్,ల్యాండింగ్ చేయగలిగేలా దీన్ని రూపొందించారు.
బలమైన ఈదురుగాలులను సైతం తట్టుకునే సామర్థ్యం దీనికి ఉందని సంస్థ చెబుతోంది.
100 అడుగుల ఎత్తు వరకే..
ఈ విమానం అధిక ఎత్తులో ప్రయాణించేందుకు ఉద్దేశించినది కాదు. గరిష్ఠంగా సుమారు 100 అడుగుల ఎత్తు వరకు మాత్రమే ఎగరగలదు.
అందువల్ల తక్కువ ఎత్తులో పర్యాటక ప్రాంతాలను వీక్షించడం,వినోద కార్యక్రమాలు వంటి అవసరాలకు దీన్ని ప్రధానంగా ఉపయోగించవచ్చు.
ఒక్కసారి పూర్తిగా ఛార్జ్ చేసిన తర్వాత సుమారు 15నిమిషాల పాటు మాత్రమే నిరంతరంగా గాల్లో ప్రయాణించగలదు.
వివరాలు
ఆరు రోటర్లు.. ప్రత్యేక డిజైన్
ఫ్లయింగ్ సాసర్లో ఆరు రోటర్లతో కూడిన డక్టెడ్ డిజైన్ను ఉపయోగించారు. ఈ నిర్మాణం కారణంగా ప్రొపెల్లర్లు ఫ్యూజ్లేజ్ లోపలే పూర్తిగా దాగి ఉంటాయి.
సాధారణ డ్రోన్లతో పోలిస్తే భిన్నమైన రూపకల్పనతో ఈ విమానం ఆకట్టుకుంటోంది.
వివరాలు
రూ.కోటి వరకు ధర
చైనా పౌర విమానయాన శాఖ నుంచి ఈ సివిల్ అన్మ్యాన్డ్ ఎయిర్క్రాఫ్ట్ ప్రత్యేక విమాన అనుమతిని పొందినట్లు సంస్థ షోరూమ్ హెడ్ హువాంగ్ యాంగ్ వెల్లడించారు.
ఈ ఫ్లయింగ్ సాసర్ ధర సుమారు రూ.93 లక్షల నుంచి రూ.1.10 కోట్ల వరకు ఉంటుందని సమాచారం.
ఈ ఏడాది ప్రారంభంలో యివు గ్లోబల్ డిజిటల్ ట్రేడ్ సెంటర్కు కార్యకలాపాలను మార్చిన సంస్థకు దేశీయ, అంతర్జాతీయ కొనుగోలుదారుల నుంచి భారీ స్పందన లభిస్తున్నట్లు చెబుతోంది.
ఇప్పటికే ఈ వినూత్న విమానానికి దాదాపు రూ.171 కోట్ల విలువైన ఆర్డర్లు వచ్చినట్లు కంపెనీ వెల్లడించింది.