మీ వ్యక్తిగత విషయాలను సోషల్ మీడియాలో ఎక్కువగా షేర్ చేస్తున్నారా? ఆ అలవాటును ఇలా మానుకోండి
ఈ వార్తాకథనం ఏంటి
సోషల్ మీడియాలో కానీ, బయట ఎవరితోనైనా మాట్లాడుతున్నప్పుడు మీ గురించి ఎక్కువగా చెబుతున్నారా? మీ వ్యక్తిగత విషయాలను ఎక్కువగా పంచుకుంటున్నారా?
అలాంటి అలవాటును తగ్గించుకోవడానికి ఏం చేయాలంటే?
పంచుకోవడానికి కారణాలు కనుక్కోండి:
మీ గురించి మీరు ఎక్కువగా చెప్పుకోవడానికి కారణాలేంటో మొదటగా కనుక్కోండి. మీలో ఏదైనా బాధగానీ, లేదా మరేదైనా విషయం గానీ పంచుకోవడానికి కారణమవుతుందా అనేది ఆలోచించండి.
నెమ్మదిగా మాట్లాడండి:
ఒక డిస్కషన్ లో పాల్గొన్నప్పుడు అవతలి వాళ్ళు మాట్లాడకపోతే ఏదో ఒకటి మాట్లాడాలని తమ గురించి తాము చెప్పుకుంటారు. అలా చేయకండి. మీరొక విషయం మాట్లాడాలనుకుంటే ఇప్పుడు ఆ విషయం అవసరమా కాదా ఒక క్షణం ఆగండి.
Details
సోషల్ మీడియాలో పంచుకోకూడని విషయాలు
వ్యక్తిగత సమాచారాన్ని ఆన్ లైన్ లో పంచుకోవద్దు:
మీ కుటుంబం, మీ పూర్తి పేరు, మీరు చేస్తున్న కంపెనీ విషయాలు ఆన్ లైన్ లో పంచుకోకూడదు. ఇంకా ఐడీ కార్డులు, బోర్డింగ్ పాస్, ట్రావెల్ పేపర్లను సోషల్ మీడియాలో పెట్టకండి.
ఫోటోలను షేర్ చేసే ముందు జాగ్రత్త:
ఫోటోలను పంచుకోవడం కామనే కానీ, ఆ ఫోటోల్లో ఇంటి నెంబర్, ఈ-మెయిల్, ఈ-కామర్స్ ఆర్డర్స్, వర్క్ ప్లేస్ ఉండకుండా ఉంటే మంచిది. ఇంకా బ్యాంకు వివరాలు, డెబిట్ కార్డ్, క్రెడిట్ సంబంధ సమాచారం ఫోటోల్లో ఉండకుండా చూసుకోండి.
సెండ్ బటన్ నొక్కే ముందు ఒక్కసారి ఆగండి:
షేర్ చేసే ముందు ఒకసారి మళ్ళీ చెక్ చేసుకోండి. సమాచారం అంతా సరిగ్గానే ఉందా లేదా చూసుకోండి.