Motivational: ఈ ఐదు రకాల మనుషులకు సలహాలు ఇవ్వొద్దు.. ఇస్తే మీరు ఇబ్బందుల్లో పడే ప్రమాదం ఉంది!
ఈ వార్తాకథనం ఏంటి
మనం తరచూ ఒక మాట వింటుంటాం.."మంచి చేయకపోతే మనం ఎందుకు అని ?."
కానీ జీవితంలో కొన్ని సందర్భాల్లో మంచి చేయాలని ఉద్దేశించినా దాని ఫలితాలు అంచనా వేయలేనివిగా మారిపోతాయి.
మనం ఎవరికైనా సహాయం చేయాలనే దృక్పథంతో ముందుకెళ్లినా, వారి సమస్యలను తగ్గించాలన్న మంచి ఉద్దేశం ఉన్నప్పటికీ,కొన్ని సందర్భాల్లో అది మనకే బాధలను మిగులుస్తుంది.
ముఖ్యంగా అవసరం లేనప్పుడు లేదా ఎదుటి వారు అడగకుండా ఇచ్చే సలహాలు చాలా రిస్క్‌తో కూడుకున్నవి.
సలహా ఇవ్వాలంటే ముందు ఎదుటివారు నిజంగా కావాలనుకుంటున్నారా లేదా అనే విషయాన్ని గమనించాలి.
అందుకు వారు అడిగినపుడే సలహా ఇవ్వడం ఉత్తమం.ముఖ్యంగా ఈ ఐదు రకాల వ్యక్తులకు అయితే ఎట్టి పరిస్థితుల్లోనూ సలహాలు ఇవ్వకండి.ఎందుకంటే అది మీకే ముప్పుగా మారవచ్చు.
వివరాలు
ఎవరికి సలహాలు ఇవ్వకూడదు?
1. మూర్ఖులకు సలహాలివ్వడం మానుకోండి
తెలివితక్కువవారికి సలహాలు ఇవ్వడం అనవసరమైన ప్రయత్నం. ఎందుకంటే వారు మీ మాటల వెనుక ఉన్న లోతునీ, ఉద్దేశాన్ని,ప్రయోజనాన్ని అర్థం చేసుకోలేరు. అవగాహన లేకుండా మాట్లాడుతూ చివరకు మీకే సమస్యలు తలెత్తేలా చేస్తారు.వారు తీసుకునే నిర్ణయాలు అర్థరహితంగా ఉండటంతోపాటు, చివరికి మీరు చెప్పిన మాటలతోనే ఇబ్బందుల్లో పడతారు. అందుకే మూర్ఖులకు సలహా ఇవ్వకపోవడం బెటర్. 2. భార్య-భర్తల విషయంలో సలహాలివ్వకండి
జీవితంలో భార్యాభర్తల మధ్య జరిగే తగాదాలు సాధారణం.వారు ఎంత గొడవపడ్డా,చివరికి కలిసిపోతారు. అలాంటి సంభంధాల్లో మీరు మధ్యలోకి వచ్చి సలహాలు ఇస్తే, వారు ఒక్కసారిగా మీపైనే కోపం చూపే ప్రమాదం ఉంది. ఆపై వారు మీ మాటలను నమ్మక పోవడమే కాదు, దూరంగా ఉండడం మొదలుపెడతారు.
వివరాలు
ఎవరికి సలహాలు ఇవ్వకూడదు?
వారి వ్యక్తిగత జీవితంలో జోక్యం చేసుకోవడం వల్ల మంచి కంటే నష్టం ఎక్కువగా ఉంటుంది.
3. అహంకారులకు అసలే ఇవ్వకండి
అహంకారంతో నిండిన వ్యక్తులు ఇతరుల అభిప్రాయాలను పెద్దగా పరిగణించరు. వారి దృష్టిలో తామే తెలివైనవారు, తామే గొప్పవారు. అలాంటి వారు ఎవరైనా సలహా ఇస్తే, దాన్ని పట్టించుకోరు. దానికి భిన్నంగా, వారే సలహా ఇచ్చే స్థాయిలో ఉన్నారని భావిస్తారు. అహంకారులు మీ సలహాలను హేళన చేస్తారు, తక్కువ చేస్తారు. అందుకే వారితో చర్చలో పడకుండా, సైలెంట్‌గా ఉండటం మంచిది.
వివరాలు
ఎవరికి సలహాలు ఇవ్వకూడదు?
4. లోభులకు మంచి చెప్పకండి
చాలామంది లోభులు తమకు లాభం లేనిదే చేయరు. మీరు ఇచ్చే సలహా కూడా వారికే ఉపయోగపడాలనిపిస్తే తప్ప, వినరు. మిగతా విషయాల్లో వారు మీరు చెప్పినదాన్ని పట్టించుకోరు. అంతేకాదు, ఒకవేళ మీ సలహాతో వారు లాభపడితే, వెంటనే మిమ్మల్ని మర్చిపోతారు కూడా. వారి వద్ద సమర్థవంతంగా సలహాలు ఇచ్చినా, దానికి విలువ ఉండదు. కాబట్టి, లోభులకు జాగ్రత్తగా ఉండండి.
5. చెడు అలవాట్లున్న వారికి
మద్యపానం, ధూమపానం, అసభ్యకరమైన ప్రవర్తన వంటి చెడు అలవాట్లు ఉన్నవారు, ఇతరుల సలహాలను స్వీకరించరు. మీరు ఎంత మంచిగా చెప్పినా, వారు దాన్ని తక్కువ చేస్తారు లేదా వ్యంగ్యంగా మార్చి మిమ్మల్ని అవమానించే అవకాశముంది.
వివరాలు
చెడు అలవాట్లున్న వారికి దూరంగా ఉండటమే ఉత్తమం
పైగా, వారు చెడ్డ పరిసరాల్లో ఉండడం వల్ల మీపై ప్రభావం పడే ప్రమాదం కూడా ఉంది. అలాంటి వారిని మార్చేందుకు ప్రయత్నించకండి - దూరంగా ఉండటమే ఉత్తమం.
గమనిక: ఈ సమాచారం నిపుణుల విశ్లేషణల ఆధారంగా రూపొందించబడింది. జీవితం లో ఎదురయ్యే అనుభవాల నుంచి సేకరించిన సూచనలే ఇది. మీరు ఏ నిర్ణయం తీసుకునే ముందు, ఆ అంశానికి సంబంధించిన నిపుణులను సంప్రదించడం ఉత్తమం.