ట్రావెల్: ఆస్ట్రియాలో అవాయిడ్ చేయాల్సిన పొరపాట్లు
ఈ వార్తాకథనం ఏంటి
ఆస్ట్రియా దేశంలో చారిత్రక ప్రదేశాలు మిమ్మల్ని ఆశ్చర్యపరుస్తాయి. ఇక్కడికి పర్యటనకు వచ్చినపుడు కొన్ని విషయాల్లో జాగ్రత్తగా ఉండాలి. అవేంటో తెలుసుకుందాం.
ఆస్ట్రియా, జర్మనీ.. కన్ఫ్యూజన్ వద్దు:
ఆస్ట్రియా, జర్మనీ దేశాల భాషలు, ఆచార వ్యవహారాలు ఒకేలా కనిపిస్తాయి. అలా అని మీరు జర్మనీ దేశ పద్దతుల్లాగా ఉన్నాయని ఆస్ట్రియా వారితో అనకండి. ఎందుకంటే జర్మనీ దేశ పద్దతులకు, తమ పద్దతులకు ఎంత తేడా ఉంటుందో వాళ్లకు తెలుసు.
లెదర్ హోసేన్ వేసుకున్న వారిని చూసి ఆశ్చర్యపోవద్దు:
లెదర్ హోసెన్ అనేది ఒక రకమైన డ్రెస్. అది వేసుకున్న వాళ్ళని చూసి మీరు ఆశ్చర్యపోతే వాళ్ళకు కోపం వస్తుంది. ఆ డ్రెస్ వేసుకోవడం అక్కడివాళ్ల సాంప్రదాయమని గుర్తుంచుకోండి.
పర్యాటకం
ఆతిథ్యానికి మర్యాద ఇవ్వకపోతే కోపం
ప్రభుత్వ రవాణా:
ఆస్ట్రియాలో ప్రజా రవాణా బాగుంటుంది. ఎక్కడికి వెళ్లాలన్నా ప్రభుత్వ బస్సులు, రైళ్ళు ఉంటాయి. కాబట్టి వాటిని వాడడమే మంచిది. అలా కాదని ప్రైవేట్ క్యాబ్ బుక్ చేసుకుంటే బిల్ కట్టలేక మీరు బుక్ అవ్వాల్సి ఉంటుంది.
గూటెన్ అపెటీట్ చెప్పకుండా అస్సలు తినవద్దు:
ఆస్ట్రియాలో మిమ్మల్ని ఎవరైనా తమ ఇంటికి ఆతిథ్యానికి పిలిచారనుకోండి. అందరూ కలిసి అన్నం తినే ముందు, మీకు ఆతిధ్యం ఇచ్చేవారు గూటెన్ అపెటీట్ అని చెప్పేవరకూ మీరు తినడం మొదలెట్టకూడదు.
అలా చేస్తే అది అమర్యాదగా భావిస్తారు. తమ ఆతిథ్యానికి మీరు వాల్యూ ఇవ్వట్లేదని వాళ్ళు అనుకుంటారు. వాళ్ళు గూటెన్ అపెటీట్ చెప్పగానే, డాంకే గ్లేచ్ ఫాల్స్ (దన్యవాదాలు, మీక్కూడా) అని మీరు చెప్పండి. బాగుంటుంది.