వెల్లుల్లి కోసం ప్రత్యేక మాసం: ఏప్రిల్ నెలలో వెల్లుల్లి తో రెసిపీస్ ట్రై చేయండి
అమెరికాలో ఏప్రిల్ నెలను వెల్లుల్లి నెలగా జరుపుకుంటారు. వెల్లుల్లిలో పోషకాలు శరీరానికి అందించేందుకు వెల్లుల్లిని ఆహారంలో చేర్చుకుంటారు. వెల్లుల్లితో చేసే ఆహారాల రెసిపీస్ గురించి ఇక్కడ తెలుసుకుందాం. వెల్లిల్లితో ఫ్రైడ్ రైస్: ఒక పాత్రలో నూనె వేడి చేసి, అందులో తరిగిన వెల్లుల్లి ముక్కలను వేయాలి. దీనికి ఎండుమిర్చి, ఉల్లిగడ్డలు, అల్లం కలిపండి. ఇప్పుడు ఒక గుడ్డు పగలకొట్టి వేయించండి. బాగా వేగిన తర్వాత వండిన అన్నాన్ని పాత్రలో వేసి కలపాలి. ఉప్పు, మిరియాల పొడి, కలిపి తింటే సరిపోతుంది. వెల్లుల్లి వెన్న: కొంచెం వెన్న, సముద్రపు ఉప్పును కలిపి ఒక పాత్రలో ఉంచుకోవాలి. తర్వాత వెల్లుల్లిని సన్నగా తరిగి, పొయ్యిమీద వేయించాలి. ఇప్పుడు దీన్ని వెన్నలో కలుపుకుని రిఫ్రిజిరేటర్ లో ఉంచుకోండి.
వెల్లుల్లితో వెరైటీలు
వెల్లుల్లి పన్నీర్: పన్నీర్ ముక్కలకు కారం, ఉప్పు, పెరుగు, గరం మసాలా కలిపి పక్కన పెట్టుకోవాలి. ఒక పాత్రలో నూనె వేసి, అందులో పచ్చిమిర్చి, తరిగిన వెల్లుల్లి, వెల్లుల్లి పేస్ట్ కలిపి వేయించాలి. బాగా వేగిన తర్వాత పన్నీర్ ముక్కలకు ఇందులో కలిపి వండితే సరిపోతుంది. వెల్లుల్లి బ్రెడ్: ఓవెన్ ని 170డిగ్రీల సెల్సియస్ లో వేడి చేయండి. ఇప్పుడు బ్రెడ్ తీసుకుని రెండు ముక్కలుగా కత్తిరించి, ఆ ముక్కల మధ్యలో వెన్న, కొత్తిమీర, వెల్లుల్లి వేసి ఓవెన్ లో 10నిమిషాలు వేడి చేయాలి. ఆ తర్వాత ఛీజ్ జల్లుకుని మరో మూడు నిమిషాలు వేడి చేసి బయటకు తీసి తినండి.