Healthy Kidney: ఆరోగ్యకర కిడ్నీలు కావాలా? ఈ 6 చిట్కాలు తప్పక తెలుసుకోండి!
ఈ వార్తాకథనం ఏంటి
కిడ్నీలు మన శరీరంలో ఎంతో ముఖ్యమైన అవయవాలు. రక్తాన్ని శుభ్రం చేసి, వ్యర్థాలను మూత్రం ద్వారా బయటకు పంపే కీలక పని అవే చేస్తాయి. కానీ ఆధునిక జీవనశైలి, అనారోగ్యకర ఆహార అలవాట్లు, అధిక ఒత్తిడితో కూడిన రొటీన్లు కిడ్నీ ఆరోగ్యంపై తీవ్ర ప్రభావం చూపుతున్నాయి. అయితే కొన్ని చిన్న, మంచి అలవాట్ల ద్వారా కిడ్నీలను రక్షించడం సాధ్యం. 1. తగినంత నీరు తాగాలి రోజూ కనీసం 6-8 గ్లాసుల నీరు తాగాలి. ఇలా చేయడం వల్ల శరీరంలోని విషపదార్థాలు బయటకెళ్తాయి. నీటి లోపం ఉంటే మూత్రపిండాల పనితీరు మందగిస్తుంది. అలాగే, తగినంత నీరు తాగకపోతే కిడ్నీ రాళ్లు ఏర్పడే ప్రమాదం కూడా ఉంటుంది.
Details
2. సమతుల్య ఆహారం తీసుకోవాలి
కిడ్నీ ఆరోగ్యం కోసం సరియైన పోషకాహారం అవసరం. అధిక ఉప్పు, కొవ్వుతో కూడిన ఆహారాన్ని నివారించడం మంచిది. బదులుగా పండ్లు, కూరగాయలు, ధాన్యాలు అధికంగా తినాలి. ఉప్పును మితంగా ఉపయోగించడం ద్వారా కిడ్నీలపై ఒత్తిడి తగ్గుతుంది. 3. నిత్యం వ్యాయామం చేయాలి రోజూ కనీసం 30 నిమిషాల పాటు నడక, యోగా, సైక్లింగ్‌ వంటి వ్యాయామాలు చేయాలి. ఇవి రక్తపోటును, బరువును నియంత్రణలో ఉంచుతాయి. రక్తప్రసరణ మెరుగవడం వల్ల కిడ్నీల పనితీరు కూడా సక్రమంగా ఉంటుంది.
Details
4. బీపీ, షుగర్‌ను పర్యవేక్షించాలి
అధిక రక్తపోటు (హైపర్‌టెన్షన్), షుగర్ (డయాబెటీస్) ఉన్నవారిలో కిడ్నీ డ్యామేజ్‌ వచ్చే అవకాశం ఉంటుంది. కనుక వీటిని నియంత్రించడం ఎంతో ముఖ్యమే. రెగ్యులర్‌గా పరీక్షలు చేయించుకోవాలి, వైద్యుల సూచనలను అనుసరించడం వల్ల కిడ్నీలు రక్షితంగా ఉంటాయి. 5. పైన్‌కిల్లర్ల వినియోగాన్ని తగ్గించాలి తలనొప్పి, శరీర నొప్పుల కోసం అధిక కాలం పైన్‌కిల్లర్ల వినియోగం కిడ్నీలపై ప్రభావం చూపుతుంది. వైద్యుల సూచన లేకుండా పైన్‌కిల్లర్లు వాడకూడదు. 6. స్మోకింగ్, మద్యాన్ని మానేయాలి ధూమపానం, మద్యం రక్తప్రసరణను ప్రభావితం చేసి, కిడ్నీ పనితీరును దెబ్బతీస్తాయి. దీర్ఘకాలం వీటిని వినియోగించడం వల్ల కిడ్నీ ఫెయిల్యూర్‌ వచ్చే ప్రమాదం ఉంటుంది. కనుక వీటిని పూర్తిగా మానేయడమే మంచిది.