ప్రపంచ ఎయిడ్స్ వ్యాక్సిన్ దినోత్సవం: వ్యాక్సిన్ కనుక్కోకముందే ఈరోజు ఎలా వచ్చింది? కారణాలేంటి?
ఈ వార్తాకథనం ఏంటి
మే 18వ తేదీన ప్రతీ ఏడాది ప్రపంచ ఎయిడ్స్ వ్యాక్సిన్ దినోత్సవాన్ని జరుపుతారు. ఈరోజును ఎయిడ్స్ వ్యాక్సిన్ నాలెడ్జ్ డే పేరుతో కూడా పిలుస్తారు.
దీన్ని జరపడానికి ముఖ్య కారణం, ఎయిడ్స్ కు వ్యాక్సిన్ కనుగొనాలన్న విషయాన్ని గుర్తు చేయడానికే.
ప్రపంచ ఆరోగ్య సంస్థ ప్రకారం, ఎయిడ్స్ అనేది తీవ్రమైన అనారోగ్య సమస్య. ప్రపంచ వ్యాప్తంగా సుమారు 40.1మిలియన్ల మంది ఎయిడ్స్ వ్యాధితో బాధపడుతున్నారు.
అంతకుముందు సంవత్సరాలతో పోలిస్తే గత సంవత్సర కాలంలో ఎయిడ్స్ వ్యాధిగ్రస్తుల సంఖ్య బాగా పెరిగింది.
2021లెక్కల ప్రకారం ప్రపంచ్చవ్యాప్తంగా ఎయిడ్స్ తో బాధపడేవారు 38.4మిలియన్ల మంది ఉంటే కేవలం ఆఫిక్రా ప్రాంతానికి చెందినవారే 25.6మిలియన్ల మంది ఉన్నారు.
Details
ఎయిడ్స్ వ్యాక్సిన్ దినోత్సవం ఎలా వచ్చింది?
1998 మే 18వ తేదిన మొట్ట మొదటి ఎయిడ్స్ వ్యాక్సిన్ దినోత్సవాన్ని జరుపుకున్నారు.
ఎయిడ్స్ వ్యాక్సిన్ దినోత్సవం మొదలైన రోజు అమెరికా అధ్యక్షుడు బిల్ క్లింటన్, మోర్గాన్ యూనివర్సిటీలో మాట్లాడుతూ, ఎయిడ్స్ కు మరో పదేళ్ళలో వ్యాక్సిన్ కనుగొనాలని అన్నాడు.
అప్పటి నుండి ఎయిడ్స్ వ్యాక్సిన్ డే రోజున, ఎయిడ్స్ వ్యాక్సిన్ అవసరం గురించి అవగాహన కార్యక్రమాలు జరుగుతున్నాయి. అలాగే హెచ్ఐవీని నివారించడానికి ఏం చేయాలనే పరిశోధనలు విరివిగా జరుగుతున్నాయి.
ఈరోజున ఎయిడ్స్ వ్యాక్సిన్ కోసం కృషి చేస్తున్న వాలంటీర్లకు, వైద్య సిబ్బందికి, శాస్త్రవేత్తలకు దన్యవాదాలు తెలియజేయాలి. అలాగే హెచ్ఐవీ వ్యాక్సిన్ పరిశోధన గురించి అందరికీ అవగాహన కల్పించాలి.