వరల్డ్ బ్రెస్ట్ ఫీడింగ్ వీక్ 2023: బిడ్డకు పాలిచ్చే తల్లులను తండ్రులు జాగ్రత్తగా ఎలా చూసుకోవాలంటే?
ఈ వార్తాకథనం ఏంటి
తల్లిపాలు బిడ్డకి చాలా అవసరం. తల్లిపాలలోని పోషకాలు బిడ్డకి ఆరోగ్యాన్ని అందిస్తాయి.
బిడ్డకు పాలివ్వడం మాతృమూర్తుల పని కాబట్టి చాలామంది తండ్రులు ఆ విషయంలో తల్లుల గురించి ఎలాంటి కేర్ తీసుకోకుండా ఉంటారు.
కానీ పాలిచ్చే తల్లుల పట్ల తండ్రులు కేర్ తీసుకోవాల్సిన అవసరం ఉంది.ఆగస్టు 1 నుండి 7 వరకు వరల్డ్ బ్రెస్ట్ ఫీడింగ్ వీక్ ని జరుపుతున్న నేపథ్యంలో పాలిచ్చే మాతృమూర్తుల పట్ల తండ్రులు ఎలాంటి జాగ్రత్తలు తీసుకోవాలో ఇక్కడ తెలుసుకుందాం.
బిడ్డకు తల్లి పాలు ఇవ్వడం ఎందుకు ముఖ్యమో తండ్రులు అర్థం చేసుకోవాలి
బిడ్డకు పాలివ్వడం వల్ల తల్లి గర్భాశయం సంకోచిస్తుంది. అలాగే బరువు తగ్గుతారు ఇంకా బ్రెస్ట్ క్యాన్సర్ అండాశయ క్యాన్సర్ వంటివి రాకుండా ఉంటుంది.
Details
మీ భాగస్వామి పనుల్లో పాలు పంచుకోవాలి
బిడ్డకు పాలిచ్చిన తర్వాత తల్లి విశ్రాంతి కోరుకుంటుంది. ఆ విషయం తండ్రులు అర్థం చేసుకోవాలి. వంట చేయడం, ఇంట్లో ఏవైనా పనులు చేయడం మొదలగు విషయాల్లో తల్లులను తక్కువగా ఇన్వాల్వ్ చేయాలి.
ఇంకా బిడ్డకు స్నానం చేయించడం, డ్రెస్ వేయడం, డైపర్స్ మార్చడం మొదలగు విషయాల్లో తండ్రి పాలు పంచుకోవాలి.
బిడ్డకు పాలిచ్చే సమయంలో తల్లులు కావాల్సినన్ని నీటిని తాగాల్సి ఉంటుంది. తల్లులు ఎల్లప్పుడూ హైడ్రేట్ గా ఉండడం అనేది చాలా ముఖ్యం.
బిడ్డ ఆకలిని తండ్రి గుర్తించాలి:
కొత్తగా తల్లిదండ్రులైన వాళ్లకు ఈ విషయంలో సరైన జ్ఞానం ఉండదు. కానీ బిడ్డ ఆకలిని తల్లి మాత్రమే కాదు తండ్రి కూడా గుర్తించాలి.