ప్రపంచ మహాసముద్రాల దినోత్సవం ఎందుకు జరుపుతారు? తెలుసుకోవాల్సిన విషయాలేంటి?
ఈ వార్తాకథనం ఏంటి
ప్రతీ ఏడాది జూన్ 8వ తేదీన ప్రపంచ మహాసముద్రాలు దినోత్సవాన్ని జరుపుతారు. సముద్రాల ప్రాముఖ్యతను జనాలకు తెలియజేయడానికి, సముద్ర వనరులను సంరక్షించడానికి ఈ దినోత్సవాన్ని జరుపుతారు.
మానవ మనుగడకు మహాసముద్రాలు ఎంతో మేలు చేస్తాయి, మనకు ఆహారం అందించడం నుండి భూమి మీద జీవవైవిద్యాన్ని కాపాడే వరకు సముద్రాల ప్రాముఖ్యత ఎంతో ఉంది.
అయితే మనిషి చేసే అరాచక పనుల వల్ల సముద్రాలు దెబ్బతింటున్నాయి. కాలుష్య కారకాలను సముద్రంలోకి వదలడం, సముద్ర జీవులను విచ్చలవిడిగా వేటాడటం మొదలైనవన్నీ సముద్రాలను దెబ్బతీస్తున్నాయి.
ఇలాంటి పనులను అరికట్టడానికి చర్యలు తీసుకోవాలని ఈ రోజున అనేక అవగాహన కార్యక్రమాలు జరుపుతారు. ప్లాస్టిక్ వస్తువుల వల్ల సముద్ర జీవాలకు ఎదురయ్యే ఇబ్బందిని తెలియజేసే అనేక కార్యక్రమాలు జరుపుతారు.
Details
చరిత్ర, కొటేషన్లు
ప్రపంచ మహా సముద్రాల దినోత్సవం జరుపుకోవాలని 1992లో కెనడా ప్రభుత్వం సూచించింది. ఈ ప్రతిపాదన అందరికీ ఆమోదయోగ్యంగా ఉండటంతో ప్రతీ ఏడాది జూన్ 8వ తేదీన ప్రపంచ మహా సముద్రాల దినోత్సవం జరుపుకోవాలని ఐక్యరాజ్యసమితి నిర్ణయించింది.
ఈ దినోత్సవానికి ప్రతీ ఏడాది ఒక ప్రత్యేక థీమ్ ఉంటుంది ఈసారి, సముద్రంలో ఆటుపోట్లు మారుతున్నాయి అనే థీమ్ తో సెలబ్రేట్ చేస్తున్నారు.
వరల్డ్ ఓషియన్ డే కొటేషన్లు
ఈ భూమ్మీద నువ్వు ఎక్కడ నివసించినా, చుక్క నీరు తాగుతున్నావంటే, గుప్పెడు శ్వాస పీలుస్తున్నావంటే నీకు సముద్రంతో సంబంధం ఉన్నట్టే లెక్క - సిల్వియా ఎర్లీ.
ఈ సముద్రం హృదయాన్ని కదిలిస్తుంది, ఊహకు స్ఫూర్తినిస్తుంది, అంతులేని ఆనందాన్ని ఇస్తుంది - రాబర్ట్ వైలాండ్.