సూది కన్నంలో పట్టేంత చిన్న హ్యాండ్ బ్యాగు: సోషల్ మీడియాలో ట్రెండ్; వివరాలివే
ఈ వార్తాకథనం ఏంటి
హ్యాండ్ బ్యాగ్ సైజు చిన్నగా ఉంటే స్టైలిష్ గా ఉంటుంది. నిజమే, కానీ మరీ చిన్నగా, కళ్ళకు కనిపించనంత చిన్నగా ఉంటే ఎలా ఉంటుంది? అసలు అలాంటి బ్యాగు ఉంటుందా అన్న సందేహం మీకుంటే ఇది తెలుసుకోవాల్సిందే.
అమెరికాకు చెందిన MSCHF అనే కంపెనీ, ప్రపంచంలోనే అతిచిన్న బ్యాగును వేలంలో పెట్టింది. ఈ బ్యాగును చూడాలంటే మైక్రోస్కోప్ కావాల్సి ఉంటుంది.
ఈ బ్యాగుకు ఉండే పాకెట్లు ధూళి రేణువుల సైజులో ఉన్నాయి. మైక్రోస్కోప్ తో చూస్తే తప్ప అవి కనిపించవు. ఈ బ్యాగును లూయిస్ విట్టన్ బ్యాగుకు ప్రతిరూపంగా తయారు చేసారు.
Details
వెల్లువెత్తుతున్న కామెంట్లు
ఈ బ్యాగు గురించి సోషల్ మీడియాలో షేర్ చేసిన MSCHF అనే కంపెనీ, ఉప్పు రేణువు సైజులో ఉండే, సూది కన్నంలో దూరే హ్యాండ్ బ్యాగు అని క్యాప్షన్ పెట్టింది.
ఈ బ్యాగును కొన్నవారికి మైక్రోస్కోప్ ని కూడా ఇస్తుంది. ప్రస్తుతం సోషల్ మీడియాలో ఈ బ్యాగుపై అనేక రకాల కామెంట్లు వస్తున్నాయి.
నెటిజన్లు అందరూ ఆ బ్యాగును చూడాలనుకుంటున్నామని, అసలు ఆ బ్యాగుకు పాకెట్లు కూడా ఉండడం విశేషమని చెబుతున్నారు.
కొందరేమో, తాము రిచ్ అయితే ఇలాంటి బ్యాగ్ ఖచ్చితంగా కొంటామని, దాన్ని చూడటానికి భూతద్దంతో తయారు చేసిన క్యాబిన్ ని ఏర్పాటు చేసుకుంటామని కామెంట్లు చేస్తున్నారు.