Apple iOS 27: ఐఫోన్ యూజర్లకు గుడ్న్యూస్.. ఆపిల్ iOS 27 విడుదల.. కొత్త ఫీచర్లు ఇవే!
ఈ వార్తాకథనం ఏంటి
ఆపిల్ ప్రియులు ఎప్పటినుంచో ఎదురుచూస్తున్న సరికొత్త ఆపరేటింగ్ సిస్టమ్ iOS 27 అధికారికంగా విడుదలైంది. అధునాతన ఆర్టిఫిషియల్ ఇంటెలిజెన్స్ (AI) ఫీచర్లు, కొత్త యూజర్ ఇంటర్ఫేస్, మెరుగైన భద్రతా ప్రమాణాలతో రూపొందించిన ఈ అప్డేట్ భారత్ సహా ప్రపంచవ్యాప్తంగా ఐఫోన్ వినియోగదారులకు అందుబాటులోకి వచ్చింది. ఈ ఏడాది జూన్లో నిర్వహించిన WWDC 2026లో ఆపిల్ తొలిసారి iOS 27ను పరిచయం చేసింది. డ్యుయో, 18ప్రో ఫోన్లు iOS 27తోనే వస్తాయని కంపెనీ ఇప్పటికే వెల్లడించింది.
వివరాలు
iOS 27ను ఎలా ఇన్స్టాల్ చేసుకోవాలి?
కొత్త ఆపరేటింగ్ సిస్టమ్ను అప్డేట్ చేసే ముందు ఐఫోన్లోని ముఖ్యమైన సమాచారాన్ని బ్యాకప్ చేసుకోవాలని టెక్ నిపుణులు సూచిస్తున్నారు.
అలాగే ఫోన్లో తగినంత ఛార్జింగ్ ఉండేలా చూసుకోవాలి. అప్డేట్ అందుబాటులోకి వచ్చిన తర్వాత నేరుగా ఐఫోన్ నుంచే iOS 27ను డౌన్లోడ్ చేసి ఇన్స్టాల్ చేసుకోవచ్చు.
ముందుగా ఐఫోన్లోని 'సెట్టింగ్స్' ఓపెన్ చేయాలి. అందులో 'జనరల్'పై ట్యాప్ చేసి, ఆ తర్వాత 'సాఫ్ట్వేర్ అప్డేట్'లోకి వెళ్లాలి.
ఐఫోన్ అందుబాటులో ఉన్న అప్డేట్లను చెక్ చేసిన తర్వాత iOS 27 కనిపిస్తుంది.
అనంతరం 'డౌన్లోడ్ అండ్ ఇన్స్టాల్'పై ట్యాప్ చేయాలి. ఇన్స్టాలేషన్ పూర్తయ్యే వరకు వేచి ఉండాలి.
స్క్రీన్పై కనిపించే సూచనలను అనుసరిస్తే డివైజ్ రీస్టార్ట్ అవుతుంది. ఆ తర్వాత కొత్త ఓఎస్ వినియోగించుకోవచ్చు.
వివరాలు
ఏ ఐఫోన్లకు iOS 27 అప్డేట్ వస్తుంది?
కొత్తగా విడుదలైన ఐఫోన్ మోడళ్లతో పాటు ఐఫోన్ 11 నుంచి ఐఫోన్ 17 సిరీస్ వరకు ఉన్న ఫోన్లలో iOS 27ను ఇన్స్టాల్ చేసుకోవచ్చు.
వీటితో పాటు ఐఫోన్ ఎస్ఈ రెండో,మూడో జనరేషన్లకు కూడా ఈ అప్డేట్ అందుబాటులోకి వచ్చింది.
iOS 27 ప్రత్యేకతలు ఏమిటి?
కొత్త ఓఎస్లో ఆపిల్ వర్చువల్ అసిస్టెంట్ సిరికి మరింత ప్రాధాన్యం ఇచ్చింది. సిరి కోసం ప్రత్యేకమైన యాప్ను తీసుకువచ్చింది.
గూగుల్ జెమినీ,ఆపిల్ మోడల్స్ కలయికతో పనిచేసే ఈ యాప్ ద్వారా కొత్త సంభాషణలను ప్రారంభించడంతో పాటు గతంలో జరిగిన సంభాషణలను తిరిగి చూసుకోవచ్చు.
ఈ ఫీచర్ ద్వారా ఐఫోన్లోని వివిధ యాప్లలో ఉన్న సమాచారాన్ని అర్థం చేసుకొని, యూజర్ సెర్చ్కు అనుగుణంగా వెంటనే ఫలితాలను అందించవచ్చు.
వివరాలు
విజువల్ ఇంటెలిజెన్స్ మరింత సులభంగా
అంటే.. వేర్వేరు యాప్లలోని సమాచారాన్ని సమన్వయం చేసుకొని సమాధానాలు ఇచ్చే సామర్థ్యం దీనికి ఉంటుంది.
విజువల్ ఇంటెలిజెన్స్ ఫీచర్ను కూడా ఆపిల్ మరింత యూజర్ ఫ్రెండ్లీగా మార్చింది. కెమెరా యాప్ నుంచే దీనిని యాక్సెస్ చేసుకోవచ్చు.
మన ఎదురుగా ఉన్న దృశ్యాలు, వస్తువులను విశ్లేషించడంతో పాటు వాటి గురించి సిరిని ప్రశ్నలు అడగవచ్చు.
అలాగే ఐఫోన్ స్క్రీన్పై కనిపించే కంటెంట్కు సంబంధించిన సమాచారాన్ని కూడా విజువల్ ఇంటెలిజెన్స్ అందిస్తుంది.
లిక్విడ్ గ్లాస్ డిజైన్లో కస్టమైజేషన్ ఆప్షన్లు
iOS 26లో పరిచయం చేసిన లిక్విడ్ గ్లాస్ (Liquid Glass) డిజైన్కు iOS 27లో మరిన్ని కస్టమైజేషన్ ఆప్షన్లను జోడించారు.
దీంతో యూజర్లు తమకు నచ్చిన విధంగా ఇంటర్ఫేస్ను మార్చుకునే అవకాశాలు పెరిగాయి.
వివరాలు
పిల్లల కోసం పేరెంటల్ కంట్రోల్స్
పిల్లలు ఫోన్లోని సమాచారాన్ని దుర్వినియోగం చేయకుండా తల్లిదండ్రులకు ఉపయోగపడే పలు నియంత్రణ ఫీచర్లను iOS 27లో చేర్చారు.
'ఆస్క్ టు బై', 'ఆస్క్ టు బ్రౌజ్', 'కాంటాక్ట్ అప్రూవల్స్', 'టైమ్ అలవెన్స్ అండ్ షెడ్యూల్స్' వంటి కంట్రోల్స్ ఇందులో ఉన్నాయి.
పిల్లలు యాప్ స్టోర్ నుంచి కొత్త యాప్ను డౌన్లోడ్ చేయాలన్నా, కొత్త వెబ్సైట్ను ఓపెన్ చేయాలన్నా తల్లిదండ్రుల అనుమతి అవసరమయ్యేలా ఈ ఫీచర్లను ఉపయోగించుకోవచ్చు.
ఇందుకోసం పేరెంట్స్కు నోటిఫికేషన్ పంపే విధానం ఉంటుంది.
అలాగే పిల్లలు యాప్లను ఉపయోగించే సమయానికి పరిమితులు విధించడంతో పాటు, వినియోగానికి అనుగుణంగా టైమ్ అలవెన్స్, షెడ్యూల్స్ను కూడా సెట్ చేసుకోవచ్చు.