Bihu In ISS: అంతరిక్షంలో బిహు నృత్యం.. వైరల్ అవుతున్న వీడియో
ఈ వార్తాకథనం ఏంటి
అంతర్జాతీయ అంతరిక్ష కేంద్రం (International Space Station)లో అమెరికాకు చెందిన ఓ వ్యోమగామి అస్సామీ జానపద నృత్యం 'బిహు'ను ప్రదర్శిస్తున్నట్లు కనిపిస్తున్న వీడియో ప్రస్తుతం సోషల్ మీడియాలో వైరల్గా మారింది. ఈ వీడియోను అస్సాం ముఖ్యమంత్రి హిమంత బిస్వా శర్మ తన 'ఎక్స్' ఖాతాలో పోస్ట్ చేశారు. అస్సాం నూతన సంవత్సరానికి సంకేతమైన 'రంగాలి బిహు' వేడుకలు జరుగుతున్న సమయంలో ఈ వీడియోకు ప్రత్యేక ప్రాధాన్యం లభించింది. వీడియోలో అమెరికన్ వ్యోమగామి మైక్ ఫిన్కే అస్సామీ సంస్కృతికి ప్రతీక అయిన 'గమోసా'ను మెడలో ధరించి బిహు నృత్యం చేస్తున్నట్లు కనిపిస్తుంది. ఆయన సతీమణి రెనితా సైకియా అస్సామీ మూలాలు కలిగిన వ్యక్తి కావడం కూడా ఈ వీడియోకు ప్రత్యేక ఆకర్షణగా మారింది.
వివరాలు
వ్యోమగామి మైక్ ఫింక్కు ధన్యవాదాలు
ఈ వీడియోను పంచుకున్న సీఎం హిమంత బిశ్వ శర్మ, అస్సామీ సంస్కృతిపై ప్రత్యేక గౌరవం చూపిన వ్యోమగామి మైక్ ఫింక్కు ధన్యవాదాలు తెలిపారు. 'బిహు బినందియా' వేడుకల సందర్భంగా ఈ నృత్యానికి ప్రపంచవ్యాప్తంగా గుర్తింపు లభించిందని, ఇందులో ప్రధానమంత్రి నరేంద్ర మోదీ ప్రత్యేక దృష్టి సారించిన తర్వాత ఈ సాంస్కృతిక కార్యక్రమానికి అంతర్జాతీయ స్థాయిలో ప్రాచుర్యం పెరిగిందని పేర్కొన్నారు. 2023ఏప్రిల్లో గువాహటిలో దాదాపు 10వేల మంది కళాకారులు కలిసి చేసిన భారీ బిహు ప్రదర్శనను 'బిహు బినందియా'గా నిర్వహించగా, ఆ కార్యక్రమాన్ని ప్రధాని మోదీ స్వయంగా వీక్షించిన విషయం తెలిసిందే. ప్రస్తుతం వైరల్ అవుతున్న వ్యోమగామి నృత్య వీడియో ఇప్పటి కాలానికి చెందినది కాదని, ఆయన ప్రస్తుతం అంతరిక్ష కేంద్రంలో లేరని సమాచారం.
ట్విట్టర్ పోస్ట్ చేయండి
వైరల్ అవుతున్న వీడియో
Bihu in an International Space Station 🌃🚀👨🚀
— Himanta Biswa Sarma (@himantabiswa) April 19, 2026
Kudos to astronaut Mike Fincke for this special gesture to Assam’s culture. It’s wonderful to see Bihu going global, especially after the special focus given by Adarniya Shri @narendramodi ji during #BihuBinandia. pic.twitter.com/yKcFwCMdDI