Super computer: రూ.9,560 కోట్లతో బ్రిటన్ భారీ సూపర్ కంప్యూటర్ నిర్మాణం
ఈ వార్తాకథనం ఏంటి
ప్రపంచ స్థాయి సాంకేతిక సామర్థ్యాన్ని మరింత పెంచుకునే దిశగా బ్రిటన్ అత్యంత ప్రతిష్ఠాత్మక సూపర్ కంప్యూటర్ నిర్మాణానికి శ్రీకారం చుట్టింది. సుమారు రూ.9,560 కోట్ల (750 మిలియన్ పౌండ్లు) వ్యయంతో రూపొందుతున్న ఈ అత్యాధునిక కంప్యూటర్ నిర్మాణ పనులు ఇప్పటికే ఎడిన్బరో శివార్లలో ప్రారంభమయ్యాయి. నిర్మాణం పూర్తయిన తర్వాత ఇది బ్రిటన్లోనే అత్యంత శక్తివంతమైన సూపర్ కంప్యూటర్గా నిలవనుంది. అంతేకాదు, దీని పరిమాణం మధ్యస్థాయి సూపర్ మార్కెట్ అంత విస్తీర్ణంలో ఉండనుంది. ప్రపంచంలో తొలి క్లోన్ గొర్రె "డాలీ"ని రూపొందించిన పరిశోధనా సంస్థకు సమీపంలోని మిడ్లోథియాన్ ప్రాంతంలో ఈ సూపర్ కంప్యూటర్ను ఏర్పాటు చేస్తున్నారు.
వివరాలు
వేల సంఖ్యలో అమర్చనున్న ప్రాసెసర్లు..
ఈ ప్రాజెక్టు పూర్తయిన అనంతరం, గత ఏడాది జర్మనీలోని జూలిక్లో ఏర్పాటు చేసిన "జూపిటర్" సూపర్ కంప్యూటర్కు సమాన స్థాయిలో అత్యాధునిక కంప్యూటింగ్ సేవలను అందించగల సామర్థ్యాన్ని కలిగి ఉంటుంది. ఈ సూపర్ కంప్యూటర్లో వేల సంఖ్యలో ప్రాసెసర్లు అమర్చనున్నారు. సెకనుకు బిలియన్ల సంఖ్యలో గణనలను అత్యంత వేగంగా నిర్వహించగలదు. భారీ పరిమాణంలోని డేటాను వేగంగా విశ్లేషించడంతో పాటు, సాధారణ ప్రయోగశాలల్లో నిర్వహించడం సాధ్యం కాని క్లిష్టమైన శాస్త్రీయ పరిశోధనలు, ప్రయోగాలను కూడా నిర్వహించే సామర్థ్యం దీనికి ఉంటుంది.