Claude AI: ప్రపంచవ్యాప్తంగా క్లాడ్ AI సేవలకు అంతరాయం.. వినియోగదారులకు ఇబ్బందులు
ఈ వార్తాకథనం ఏంటి
ప్రపంచవ్యాప్తంగా ప్రముఖ కృత్రిమ మేధ (AI) చాట్బాట్ క్లాడ్ (Claude) సేవల్లో గురువారం సాంకేతిక అంతరాయం చోటుచేసుకుంది. ఈ విషయాన్ని క్లాడ్ను అభివృద్ధి చేసిన ఆంత్రోపిక్ (Anthropic) అధికారికంగా ధృవీకరించింది. సేవల్లో అంతరాయం కారణంగా అనేక మంది వినియోగదారులు అభ్యర్థనలు (Requests) పంపలేకపోయారు. అలాగే పలు AI మోడళ్లలో "529 Overloaded" అనే ఎర్రర్ సందేశం కనిపించడంతో సేవలు నిలిచిపోయినట్లు ఫిర్యాదులు వచ్చాయి. జూలై 30న ఉదయం 5:57 UTC సమయంలో సమస్యను గుర్తించిన ఆంత్రోపిక్, పలు క్లాడ్ మోడళ్లలో అధిక ఎర్రర్లు, ఆలస్యాలు (Latency) నమోదవుతున్నాయని తెలిపింది. ఈ లోపాన్ని సరిచేసేందుకు తమ సాంకేతిక బృందం పనిచేస్తోందని వెల్లడించింది.
వివరాలు
529 Overloaded ఎర్రర్ అంటే సర్వర్లపై ఒకేసారి అధిక సంఖ్యలో అభ్యర్థనలు
తర్వాత 6:26 UTCకు విడుదల చేసిన తాజా అప్డేట్లో Opus 5 మోడల్ మినహా మిగతా అన్ని క్లాడ్ మోడళ్ల సేవలు తిరిగి సాధారణ స్థితికి వచ్చాయని కంపెనీ పేర్కొంది.
Opus 5 సేవలను కూడా త్వరగా పునరుద్ధరించేందుకు చర్యలు కొనసాగుతున్నాయని తెలిపింది.
సేవల్లో అంతరాయం సమయంలో క్లాడ్ లేదా ఆంత్రోపిక్ API ఆధారంగా పనిచేసే యాప్లను ఉపయోగించేందుకు ప్రయత్నించిన వారికి "API Error: 529 Overloaded. This is a server-side issue, usually temporary, try again in a moment." అనే సందేశం కనిపించింది.
సాధారణంగా 529 Overloaded ఎర్రర్ అంటే సర్వర్లపై ఒకేసారి అధిక సంఖ్యలో అభ్యర్థనలు రావడంతో వాటిని నిర్వహించలేని పరిస్థితి ఏర్పడిందని అర్థం.
వివరాలు
ఎర్రర్లు కనిపించే అవకాశం
ఈ అవుటేజ్ ప్రభావం క్లాడ్ చాట్బాట్కే పరిమితం కాలేదు. ఆంత్రోపిక్ APIపై ఆధారపడే అనేక థర్డ్పార్టీ యాప్లు, AI సేవలు కూడా ప్రభావితమయ్యాయి.
వినియోగదారులు అభ్యర్థనలు విఫలమవడం, స్పందన ఆలస్యం కావడం, AI సమాధానాలు మధ్యలో నిలిచిపోవడం వంటి సమస్యలను ఎదుర్కొన్నారు.
ప్రస్తుతం చాలా క్లాడ్ మోడళ్లు మళ్లీ అందుబాటులోకి వచ్చినప్పటికీ, సమస్య పూర్తిగా పరిష్కారమయ్యే వరకు కొంతమందికి అప్పుడప్పుడు ఎర్రర్లు కనిపించే అవకాశం ఉందని ఆంత్రోపిక్ హెచ్చరించింది.